Вы тут

Спецыялісты агучылі даныя па стане дарог у сталічным рэгіёне і Мінску пасля асенне-зімовага перыяду


Спецыялісты агучылі даныя па стане дарог у сталічным рэгіёне і Мінску пасля асенне-зімовага перыяду, а таксама расказалі аб планах па падрыхтоўцы дарог да вясны.


Фота Віктара Іванчыкава

Па словах начальніка ўпраўлення вытворчасці работ і ўтрымання дарожнай сеткі РУП «Мінскаўтадар-Цэнтр» Міністэрства транспарту і камунікацый Беларусі Дзмітрыя Дземідовіча, у вясновы перыяд усіх традыцыйна турбуе ямачнасць на дарогах. А ў цэлым, з пачатку года на рэспубліканскіх дарогах Мінскай вобласці прадпрыемства выканала заладку ям плошчай 14 тысяч 442 квадратныя метры. Рэшта складае 530 квадратных метраў.

Паводле звестак спецыяліста, РУП «Мінскаўтадар-Цэнтр» штодня аднащляе каля 400–700 квадратных метраў пашкоджанага дарожнага пакрыцця. Падобны вынік дасягаецца за кошт прыцягнення да працы ад 34 да 42 брыгад штодня. «Радуе і тое, што сёлета менш ямачнасці», — заяўляе Дзмітрый Дземідовіч.

Практычна 252 кіламетраў дарог было адрамантавана, па словах спецыяліста, у мінулым годзе за кошт бягучага рамонту. Сёлета плануецца павысіць гэты паказчык да 303 кіламетраў. Да 9 мая бягучага года РУП «Мінскаўтадар-Цэнтр» мае намер завяршыць увесь комплекс работ па аднаўленні стану дарог пасля асенне-зімовага перыяду. У пералік задач таксама ўваходзіць перафарбоўка аўтапавільёнаў (аўтобусных прыпынкаў), апор асвятлення і загарод. Не абыдзецца і без прыборкі смецця на палосах адводу.

Дземідовіч удакладніў, што дыягностыка дарог праводзіцца штогод. Спецыялісты ацэньваюць роўнасць пакрыцця, счапленне колаў з праезнай часткай, якую нагрузку здольна вытрымаць палатно. Акрамя гэтага, пры візуальным аглядзе вызначаецца колькасць дэфектаў. Зыходзячы з усяго гэтага, фармируюцца рамонтныя планы.

«У мінулым годзе сумарна бягучым рамонтам былі ахоплены 8% дарог, якія абслугоўваюцца, у цяперашнім плануем адрамантаваць 9%. Бягучы рамонт — гэта ліквідацыя дэфектаў, замена найбольш нагружанага верхняга пласта пакрыцця, — растлумачыў начальнік упраўлення. — Пры гэтым большасць дарог патрабуе капітальнага рамонту, гэта значыць давядзення іх да больш сучасных параметраў па апорнай здольнасці. Дарогі будаваліся пад восевую нагрузку 9 тон, а некаторыя мясцовыя — і пад 6 тон. Але рэаліі такія, што ў грузавых аўтамабіляў нагрузка на вось дасягае 11,5 тоны. Сучасныя дарогі будуюцца з разлікам на такую нагрузку, а старыя маюць патрэбу ва «щшчыльненні», гэта значыць давядзенні да неабходных параметраў.

РУП «Мінскаўтадар-Цэнтр» абслугоўвае рэспубліканскія дарогі Мінскай вобласці, працягласць якіх складае 3670 кіламетраў.

У сталіцы ямачнасць удвая меншая, чым летась

Як адзначае намеснік генеральнага дырэктара па ўтрыманні аб’ектаў добраўпарадкавання дзяржаўнага вытворчага аб’яднання «Гаррамаўтадар Мінгарвыканкама» Арцём Ганчар, акрамя ямачнага рамонту, цяпер праводзіцца рамонт назіральных і дажджапрыёмных калодзежаў.

У зімовы перыяд для правядзення рамонтных работ прымяняюцца адліваныя асфальтабетонныя сумесі. Кожны ўдзельнік аб’яднання мае адпаведныя механізмы з загрузкай да 12 тон. Па гэтай прычыне ў цяперашні час завод па вытворчасці літых асфальтабетонных сумесяў працуе ў кругласутачным рэжыме, адпаведна, і «Гаррамаўтадар Мінгарвыканкама» функцыянуе ў дзённы і начны час на тэрыторыі ўсёй сталічнай дарожнай сеткі. Па словах спецыяліста, у суткі ў сярэднім рамонт выконваецца на 25 вуліцах Мінска. Для правядзення работ прыцягваецца каля 70 чалавек і 50 адзінак тэхнікі.

У параўнанні з мінулым годам, па запэўненнях спецыяліста, аб’ём ямачнасці паменшыўся практычна ў два разы. На дадзены момант ужо ліквідавана 30 тысяч квадратных метраў крытычнай ямачнасці, якую патрабавалася ліквідаваць у першую чаргу.

«Памяншэнне ямачнасці звязана, у тым ліку, з вялікімі аб’ёмамі работ, якія прэвентыўна выконваліся ў папярэдні сезон», — паведамляе Арцём Ганчар. Паводле яго слоў, перад пачаткам асенне-зімовага перыяду былі прыняты такія меры, як прылада ахоўных слаёў, герметызацыя расколін і поўная замена асфальтабетоннага пакрыцця. Ёсць задачы павялічыць аб’ёмы выканання падрыхтоўчых мерапрыемстваў на дарожным пакрыцці, такіх, напрыклад, як герметызацыя расколін. Сёлета плануецца дасягнуць выніку ў 1000 кіламетраў, адзначыў спікер. Да таго ж ёсць намер павялічыць плошчу павярхоўнай апрацоўкі дарог да 400 тысяч квадратных метраў. «Сукупнасць такіх фактараў, як прэвентыўная апрацоўка і правядзенне зімовых кругласутачных работ, прыводзяць да таго, што вулічна-дарожная сетка знаходзіцца ў даволі нядрэнным стане», — падсумаваў Арцём Ганчар.

Высыпана больш за 50 тысяч тон пяску

Арцём Ганчар адзначыў, што супрацоўнікі іх аб’яднання ў зімовы перыяд прымаюць меры па прыборцы снегу і недапушчэнні галалёдзіцы, беручы пад увагу звесткі Белгідрамета і іншых інтэрнэт-рэсурсаў. У перыяд станоўчых тэмператур выконваюцца розныя віды работ — прыборка пяску, смецця, выпускаюцца вакуумныя падмятальныя машыны, а пры адмоўных вядзецца барацьба з галалёдзіцай. Асаблівая ўвага надаецца тэрыторыям, якія прылягаюць да сацыяльна значных аб’ектаў, пешаходных пераходаў, а таксама прыпынкаў грамадскага транспарту.

«У нас заключаны дагаворы з іншымі арганізацыямі на выдзяленне дадатковага транспарту ў выпадку багатых снегападаў. У сярэднім у зімовы перыяд задзейнічана больш за 900 адзінак тэхнікі і 750 чалавек, а калі анамальныя ападкі, то каля адной тысячы адзінак тэхнікі і 900 прыбіральшчыкаў», — адзначыў ён.

З пачатку зімовага перыяду на апрацоўку вулічна-дарожнай сеткі пайшло каля 95 тысяч тон солі і каля 50 тысяч тон пясчана-салянай сумесі. У месцы часовага складавання і на снегасплаўны пункт вывезена каля 460 тысяч кубічных метраў снегу. У параўнанні з мінулым перыядам гэта на 100 тысяч кубічных метраў больш. «Сёлета снегападаў было не вельмі шмат, але даволі моцныя», — заўважыў спецыяліст.

Арцём Ганчар нагадаў, што работы па зімовым утрыманні дарог выконваюцца з суправаджэннем службы ДАІ Мінгарвыканкама. «Узаемадзеянне арганізавана такім чынам, што нашы калоны зімовай спецтэхнікі суправаджаюцца экіпажамі ДАІ, а таксама ў спальных раёнах, месцах паркоўкі транспарту сумесна адпрацоўваюцца абвесткі ўладальнікаў аўтамабіляў аб неабходнасці прыбраць з цэнтральных вуліц асабісты транспарт. Таксама пры неабходнасці выкарыстоўваем эвакуатар для перастаноўкі тэхнікі альбо аўтамабіля», — адзначыў Арцём Ганчар.

На абслугоўванні ДВА «Гаррамаўтадар Мінгарвыканкама» ў Мінску знаходзіцца больш за 25 мільёнаў квадратных метраў вулічна-дарожнай сеткі, каля 2 тысяч прыпыначных пунктаў, 115 мастоў і пуцеправодаў. З мэтай аператыўнага рэагавання на неспрыяльныя ўмовы надвор’я ва ўсіх арганізацыях аб’яднання арганізавана кругласутачная работа дыспетчарскіх службаў, а таксама спецыялістаў і рамонтных майстэрняў у выпадку неабходнасці.

Бетонкі добрыя, але патрэбныя не ўсюды

Акрамя таго, Дзмітрый Дземідовіч патлумачыў, што будаўніцтва цэментабетонных дарог не заўсёды лагічна. «Прынцыпова цэментабетоннае пакрыццё патрабуе вялікіх капіталаўкладанняў у момант будаўніцтва. Так, у наступным тэрмін службы ў цэментабетоннага пакрыцця вышэйшы. Логіка такая: калі траса нагружаная, калі яна злучае абласныя цэнтры, калі па ёй перамяшчаецца вялікая колькасць грузаў, дзе праходзяць шматвосевыя аўтамабілі, то лагічна там зрабіць дарогу з цэментабетону, — растлумачыў ён.

Паводле яго слоў, калі дарога злучае невялікія населеныя пункты, дзе ў складзе патоку пераважаюць легкавыя аўтамабілі, пракладка цэментабетоннай трасы будзе эканамічна немэтазгоднай.

«Будаўніцтву дарогі папярэднічае стадыя абгрунтавання інвестыцый. Акрамя таго, рашэнне аб тым, які матэрыял будзе выкарыстаны, залежыць ад значнасці трасы. Чым дарога больш значная, тым вышэйшыя да яе прад’яўляюцца патрабаванні», — адзначыў спецыяліст.

Прадстаўнік Мінтранса таксама заявіў, што праекціроўшчыкі, як правіла, даюць на бетоннае пакрыццё гарантыю 20 гадоў, на асфальтабетоннае — 8–10 гадоў.

«Пік будаўніцтва цэментабетонных дарог у Беларусі прыйшоўся на канец 1980-х. Паказальная траса М-3 — гэтаму бетону сёлета ўжо 39 гадоў. Так, ёсць дэфекты, яе трэба рамантаваць, але праязджальнасць там ёсць, і да гэтага часу яна высокая», — запэўніў Дзмітрый Дземідовіч.

Сяргей КУРКАЧ

Загаловак у газеце: Роўнасць пакрыцця і счапленне колаў

Выбар рэдакцыі

Здароўе

У Нацыянальны каляндар плануюць уключыць новыя прышчэпкі

У Нацыянальны каляндар плануюць уключыць новыя прышчэпкі

Як вакцыны выратоўваюць жыцці і чаго можа каштаваць іх ігнараванне?

Грамадства

Курс маладога байца для дэпутата

Курс маладога байца для дэпутата

Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.