У Мачулішчанскі аддзел міліцыі Мінскага РУУС звярнуўся работнік будаўнічай кампаніі з заявай аб знікненні буйной сумы грошай. Зберажэнні мужчына захоўваў у сейфе ў сябе ў кватэры.
Сышчыкі праверылі ўсіх, хто мог быць датычны да крадзяжу. Пра наяўнасць сейфа ведалі не многія, а код - лічаныя людзі. Таму ў поле зроку аператыўнікаў трапіў 18-гадовы пасынак, які раней пражываў разам з заяўніком. Паступіўшы ў каледж, хлопец з'ехаў, але перыядычна наведваў айчыма.
Як паведамляе МУС, малады чалавек прызнаўся, што на працягу года браў з сейфа па 100-200 долараў: купіў вопратку, мабільны тэлефон, астатняе выдаткаваў з сябрамі на забавы. У сейф гаспадар кватэры не заглядваў, а калі спатрэбілася буйная сума, не далічыўся каля 5 тысяч долараў.
Матэрыялы праверкі накіраваны следчым, распачата крымінальная справа за крадзеж у буйным памеры.
Сяргей РАСОЛЬКА
Прэв'ю: ru.best-wallpaper.net
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
