Сталічныя аператыўнікі затрымалі двух грамадзян Расійскай Федэрацыі, якія прыбылі ў Мінск для распаўсюджвання псіхатропных рэчываў, паведамляе МУС.
Паводле аператыўнай інфармацыі, напрыканцы мінулага тыдня двое мужчын 30 і 22 гадоў прыбылі ў Мінск для рэалізацыі псіхатропаў. У сталіцы яны арандавалі кватэру, у якой у далейшым былі затрыманыя сталічнымі аператыўнікамі пры сілавой падтрымцы супрацоўнікаў спецыяльнага падраздзялення па барацьбе з тэрарызмам "Алмаз".
У асабістых рэчах у мужчын праваахоўнікі выявілі і канфіскавалі поліэтыленавы пакет з рэчывам белага колеру агульнай масай каля 196 грам, а таксама прадметы, якія прызначаліся для фасоўкі наркотыку.
Канфіскаваныя рэчывы былі скіраваныя на спецыяльную экспертызу ў ДКСЭ Рэспублікі Беларусь. Паводле заключэння эксперта, рэчывы ўтрымліваюць у сваім складзе асабліва небяспечны псіхатроп - мефедон.
Вядома, што на тэрыторыі краіны-суседкі дадзеныя грамадзяне ўжо прыцягваліся да крымінальнай адказнасці.
Устаноўлена, што супрацьпраўнай дзейнасцю па збыце наркотыкаў расіяне займаліся на працягу паўгода.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.