З панядзелка, 30 сакавіка, для жыхароў Масквы будзе ўведзены рэжым хатняй самаізаляцыі незалежна ад іх узросту, паведаміў мэр расійскай сталіцы Сяргей Сабянін. Пра гэта інфармуе РБК.
Пакідаць кватэры будзе дазволена толькі для звароту па экстраную медыцынскую дапамогу і для паездак на працу ў выпадку неабходнасці. Таксама выйсці на вуліцу дазволяць за прадуктамі, у аптэку ці для таго, каб выгуляць хатніх жывёл (на адлегласці не больш за 100 м ад дома) або вынесці смецце.
У бліжэйшыя дні пры гэтым выходзіць з хаты можна будзе толькі маючы пры сабе спецыяльны пропуск, паведаміў мэр. Паводле яго слоў, за выкананнем абмежаванняў у Маскве будзе сачыць «разумная» сістэма кантролю, якую разгорнуць у сталіцы ў хуткім часе. «Паступова, але няўхільна мы будзем рабіць больш жорсткім неабходны ў гэтай сітуацыі кантроль», - адзначыў Сабянін.
Нягледзячы на ўведзеныя меры, рэжым хатняй самаізаляцыі не забараняе грамадзянам прыязджаць або пакідаць сталіцу. «Гаворка пра тое, што нельга без важкай прычыны перасоўвацца па горадзе», - заявіў мэр.
Колькасць пацверджаных выпадкаў каранавіруса ў Расіі перавысіла паўтары тысячы, з іх больш за тысячу - у Маскве.
Прэв'ю: imenno.ru
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
