«Беларусь 3» 10 мая прапануе прыхільнікам класікі кінастужку «Беларускі вакзал» рэжысёра Андрэя Смірнова, якая ўбачыла свет у 1970 годзе.
Гэта гісторыя сяброў, што развіталіся на вакзале летам 1945 года, а потым зноў сустрэліся праз чвэрць стагоддзя на пахаванні баявога сябра. Дырэктар завода (былы камандзір роты) Харламаў, слесар Прыходзька (франтавы разведчык), бухгалтар Дубінскі (у мінулым — радыст) і журналіст Кірушын (які быў сапёрам) — усе яны згадаюць ваеннае мінулае і франтавое сяброўства і праявяць сябе ў новых абставінах, застаючыся адданымі і прагнымі да жыцця...
Фільм быў удастоены Галоўнай прэміі на І Фестывалі сучаснай кінематаграфіі ў Карлавых Варах у 1971 годзе. Першапачатковы сцэнарый быў напісаны Вадзімам Труніным у 1966 годзе і адрозніваўся ад знятай кінастужкі. Першым на яго звярнуў увагу рэжысёр Марк Асеп'ян, якога крануў і зацікавіў эпізод сутыкнення ў рэстаране прадстаўнікоў розных пакаленняў, што ў выніку стала для рэжысёра штуршком выпусціць у 1968 годзе праблемны фільм пра моладзь 1960-х пад назвай «Тры дні Віктара Чарнышова». А за здымкі «Беларускага вакзала» ўзяўся Андрэй Смірноў. У карціне паказаны кантраст узаемаадносін франтавікоў і маладога пакалення. У фінале фільма гучыць песня «Нам нужна одна победа», якая была напісана спецыяльна для «Беларускага вакзала». Гэтая кампазіцыя пра дэсантны батальён стала «прапускным білетам» кінастужкі да гледача: паказ хацелі забараніць, убачыўшы ў карціне дыскрэдытацыю савецкай міліцыі, але песня вельмі спадабалася ўладам, і фільм дазволілі.
Не прапусціце кіно 10 мая на «Беларусь 3».
Алена ДРАПКО
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
