Гэта сумесны экалагічны праект кампаніі А1, Міністэрства прыродных рэсурсаў і аховы навакольнага асяроддзя, Міністэрства адукацыі і праграмы Развіцця ААН у Беларусі.
У ходзе яго рэалізацыі плануецца абраць 7 «зялёных школ» — па адной у кожнай вобласці і ў Мінску. У іх усталююць панэлі для пераўтварэння сонечнай энергіі ў электрычную, а таксама адмысловае асвятляльнае абсталяванне для нагляднай дэманстрацыі вынікаў работы сонца.
«Для кампаніі А1 экалогія і ахова навакольнага асяроддзя з’яўляюцца важным стратэгічным напрамкам карпаратыўнай сацыяльнай адказнасці. Мы прынялі рашэнне падтрымаць Нацыянальны адукацыйны праект Мінпрыроды і Міністэрства адукацыі «Зялёныя школы», прапанаваўшы сваю тэхнічную экспертызу і узяўшы на сябе рэалізацыю ўсіх аспектаў, звязаных з укараненнем і эксплуатацыяй абсталявання на сонечнай энергіі. Мы бачым асаблівую каштоўнасць дадзенага праекта ў тым, што ён аб’ядноўвае экалогію і адукацыю і акцэнтуе магчымасць выкарыстання энергіі з аднаўляльных прыродных крыніц у паўсядзённым жыцці», — адзначыў першы намеснік генеральнага дырэктара кампаніі А1 Мікалай ЮШКЕВІЧ.
Адна з галоўных мэтаў праекта — паказаць на практыцы кожнаму вучню, якую карысць прыносіць энергія з аднаўляльных крыніц (у дадзеным выпадку — энергія сонца) .Плануецца, што рэалізацыя праекта «Энергія сонца для Зялёных школ» зробіць экалагічную інфармацыю больш даступнай для вучняў, а таксама паслужыць рухавіком у вырашэнні лакальных экалагічных праблем.
Надзея НІКАЛАЕВА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
