«Нашы дзеці» — вельмі добрая традыцыя, якая стала брэндам краіны. Пра гэта заявіў старшыня Палаты прадстаўнікоў Уладзімір Андрэйчанка пасля навагодняга свята, якое стала часткай рэспубліканскай акцыі, у Бягомльскай дапаможнай школе-інтэрнаце, паведаміла БелТА.
Асабіста ён ужо больш за 10 гадоў прыязджае ў госці да выхаванцаў гэтай установы. «Тут пражываюць 96 хлопчыкаў і дзяўчынак. Гэта дзеці-сіроты і дзеці, якія засталіся без апякунства бацькоў. З боку дзяржавы ім удзяляецца вялікая ўвага па ўсіх кірунках: у пытаннях пражывання, адукацыі, выхавання», — адзначыў спікер ніжняй палаты парламента.
Віншуючы дзяцей з надыходзячымі святамі, Уладзімір Андрэйчанка пажадаў, каб іх жаданні здзейсніліся. «Новы год сустракаем з надзеяй на цуд. Хацелася б, каб 2021-ы быў годам стварэння, аб'яднання, міру і спакою», — адзначыў ён і падзякаваў педагогам за працу.
Тым часам
У час Усебеларускага народнага сходу трэба даць адказ на чаканні людзей. Аб гэтым заявіў Уладзімір Андрэйчанка. Спікер ніжняй палаты парламента адзначыў, што форум стане важнай падзеяй у жыцці краіны. «На Усебеларускі народны сход павінны быць дэлегаваны ўсе слаі нашага грамадства. Пра гэта ўчора максімальна выразна было сказана Прэзідэнтам. Гэта інтэлігенцыя, работнікі сельскай гаспадаркі, прамысловасці, органаў дзяржаўнага кіравання. Сход будзе вызначаць палітыку дзяржавы на найбліжэйшыя пяць гадоў. Таксама разгледзяць пытанні далейшага развіцця грамадска-палітычнага ладу краіны. Думаю, гэта вельмі важна, людзі ўскладаюць на Усебеларускі народны сход вельмі вялікія надзеі», — падкрэсліў Уладзімір Андрэйчанка.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
