Паведамленне пра гэта паступіла ў Рэчыцкі РАУС у 4:37 раніцы. Той, хто тэлефанаваў, распавёў, што невядомы каля дома 7 па вуліцы Сенькіна адрывае ў машын на стаянцы дворнікі, ламае люстэркі, б’е вокны. На месца прыбыла група затрымання Дэпартамента аховы, аднак зламысніка не застала.
Той ноччу прайшоў лёгкі снег і адзінокія сляды каля машын былі добра бачныя. Па іх міліцыянеры і дайшлі да дома падазраванага. 36-гадовы жыхар райцэнтра быў п’яны, таму матывы свайго ўчынку растлумачыць толкам не змог. Адпачываў у кампаніі сяброў, пасля чаго праз двары пайшоў дадому. Чым яму перашкодзілі аўтамабілі, ён і сам не ведае, паведамляе УУС Гомельскага аблвыканкама. Раней жыхар горада сур'ёзных праблем з законам не меў. Пасля агляду месца здарэння стала вядома, што пацярпелі восем аўтамабіляў вядомых марак, такіх як «Мерседэс», «Сітраён», «Нісан», «Рэно» і «Форд». Сярод пацярпелых амаль новыя Renault Kaptur і Nissan Terrano. Не пашкадавалі і красовер Mercedes ML 320. Вядома, што падазраваны большую частку часу працуе ў суседняй Расіі. У райцэнтр ён наведваўся рэдка. У гэты раз прыехаў адзначыць святочныя дні.
Следчымі дадзена прававая ацэнка дзеянням мужчыны. Заведзена крымінальная справа па факце хуліганства. Вялікая імавернасць і таго, што пацярпелыя аўтаўладальнікі цалкам законна запатрабуюць кампенсацыі нанесенай матэрыяльнай шкоды.
Сяргей РАСОЛЬКА
Фота з сайта УУС Гомельскага аблвыканкама
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
