Асабіста-камандны маладзёжны чэмпіянат свету ўключаў спаборніцтвы сярод юнакоў і дзяўчат у шасці ўзроставых групах па трох праграмах: класічнай, хуткай і імгненнай.
Галоўнага тытула студэнтка факультэта міжнародных адносін БДУ ўдастоена за перамогу ў хуткім і імгненным турах сярод дзяўчат да 27 гадоў. Другое месца ў хуткай праграме заваявала пяцікурсніца біялагічнага факультэта БДУ Аляксандра Спірына. Яна стала таксама сярэбраным прызёрам у класічнай праграме ва ўзроставай групе дзяўчат да 27 гадоў.
У імгненнай праграме трэцюю прыступку п'едэстала заняла яшчэ адна беларуска Паліна Петрусёва. А ў класічнай праграме Паліна заваявала «золата».
Па выніках маладзёжнага чэмпіянату свету зборная Беларусі атрымала перамогу ў агульным камандным заліку па колькасці набраных спартсменамі балаў. Другое месца — у спартсменаў з Латвіі, а трэцяе — з Малдовы.
Асабіста-камандны чэмпіянат свету па шашках-64 прайшоў у Балгарыі. Усяго ў спаборніцтвах прынялі ўдзел спартсмены з 12 краін: Беларусі, Азербайджана, Балгарыі, Латвіі, Літвы, Паўночнай Македоніі, Малдовы, Расіі, Румыніі, ЗША, Узбекістана і Эстоніі.
Арганізатарам мерапрыемства выступіла Міжнародная федэрацыя шашак (Іnternatіonal Draughts Federatіon, ІDF).
Шашкі — папулярны від інтэлектуальнага спорту. Існуюць два віды шашак: 64-клеткавыя і 100-клеткавыя. Большасць турніраў праходзіць па шашках-64.
Надзея НІКАЛАЕВА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
