На разнастайнай па свайму ландшафту і прыродзе Ушаччыне працякае нямала рэк, ручаёў, азёрных пратокаў. Вось асноўныя водныя артэрыі раёна: рэкі Дзіва, Крошанка, Чарніца, Бельская, Баярская, Гарбачыцкая, Прабойніца, Альзініца і, галоўная сярод іх — рака Ушача. А колькі незлічонах безыменных ручаёў і ручаінаў, каналаў струменяць вакол узвышшаў і пагоркаў, журчаць у глыбокіх каньёнах, пояць нетры балотна-лясных гаццяў, звязваюць у каралі вялікія і малыя азёры! У гэтыя лютаўскія дні Ушаччына замецена снегам, азёры яшчэ спакойна дрэмлюць пад тоўстым слоем лёда. І толькі рэкі абудзіліся, быццам першымі хочуць убачыць вясну, адчуць цёплыя прамяні сонца, а калі пойдзе раставанне снегу, папоўняць свае водныя запасы. На фоне бела-снежнага абруса абрысы рэчышчаў і плыняў выглядаюць надта графічнымі і ў гэтым ёсць свая адметнасць і прыгажосць. Асабліва, калі ўбачыць графіку рачных зігзагаў з вышыні птушынага палёту.
Анатоль КЛЯШЧУК
Фота аўтара
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
