Чакаецца, што з развіццём касмічных тэхналогій масавыя субарбітальныя палёты могуць стаць рэальнасцю. Па словах Лі Цыньфэна, намесніка генеральнага дырэктара прадпрыемства па вытворчасці касмічнага рыштунку кампаніі CAS Space, сёлета іх кампанія працягне распрацоўку лятальных апаратаў для касмічных падарожжаў, а ў 2025 годзе плануе ажыццявіць запуск і вяртанне першага беспілотнага апарата праграмы абслугоўвання для падарожжаў у космас, перадае «Жэньмінь жыбаа» анлайн».
У апошнія гады тут завяршаецца стварэнне ўсяго ланцужка камерцыйнай аэракасмічнай прамысловасці, якая аб’ядноўвае запуск ракет, распрацоўку касмічных апаратаў і прымяненне аэракасмічнай тэхнікі, што закладвае трывалую аснову для развіцця камерцыйнай аэракасмічнай галіны ў Кітаі.
Абсталяванне ўжо зараз можна пабачыць у выставачнай зале кітайскай астранаўтыкі ў раёне Наньша горада Гуанчжоў (правінцыя Гуандун, Паўднёвы Кітай). Тут увагу прыцягвае белая касмічная капсула. Яна выраблена з кампазітных матэрыялаў, мае чатыры назіральныя акны, убудаваны аварыйны рухавік і 7 пасадачных месцаў. З моманту запуску капсулы да яе вяртання патрабуецца гадзіна, а час палёту ў бязважкасці складае прыкладна 5-10 хвілін.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.