Беларусь захоўвае дадатнае сальда ў гандлі з Расіяй

У цяперашнім годзе Беларусь захоўвае дадатнае сальда ў гандлі з Расіяй — плюс $ 896 млн за першы квартал 2023-га. Пра гэта паведаміў Надзвычайны і Паўнамоцны пасол Беларусі ў Расіі Дзмітрый Крутой на сустрэчы з кіраўніком дзяржавы Аляксандрам Лукашэнкам, паведамляе БелТА.

«Летась у нас атрымалася пераламаць тэндэнцыю з адмоўным сальда ў гандлі з Расіяй. Упершыню ў гісторыі мы і па таварах, і па паслугах атрымалі плюс. У першым квартале гэтага года сітуацыю яшчэ больш палепшылі. У нас на сённяшні дзень сумарнае сальда плюс $896 млн», — падкрэсліў Дзмітрый Крутой.

Паводле яго слоў, значную долю — каля 60% — у сферы паслуг займаюць транспартныя паслугі. І ў сілу сітуацыі, якая склалася ў сферы лагістыкі дадатнае сальда ў абароце з Расіяй у сферы паслуг у гэтым годзе некалькі зменшылася. Але ў цэлым паказчыкі застаюцца досыць высокімі.

Прэв’ю: БелТА