Жыхар Індыі Мафіджул Рахіма Шэйх, які прыехаў у штат Керала ў пошуках працы, выйграў 10 мільёнаў рупій (каля 150 тысяч долараў) у дзяржаўную латарэю, піша Mashable.
22-гадовы мужчына прыбыў у Кералу ў сакавіку, каб зарабіць грошай на ўтрыманне бацькоў, жонкі і васьмімесячнай дачкі. Яму ўдалося ўладкавацца ў фірму, якая займаецца будаўніцтвам. Прапрацаваўшы тры дні і атрымаўшы першы заробак, індыец купіў за 50 рупій (каля Br15000) латарэйны білет. Сарваўшы джэкпот, Шэйх пачаў баяцца за сваю бяспеку і захаванасць фінансаў. Ён звярнуўся ў мясцовае аддзяленне паліцыі. Супрацоўнікі праваахоўных органаў дапамаглі індыйцу адкрыць рахунак у банку. Шэйх паведаміў аб намеры вярнуцца ў родную Заходнюю Бенгалію, дзе ён не мог знайсці працу. Яго сямейнікі спадзяюцца, што ён вырашыць заснаваць які-небудзь бізнес.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».