Пра гэта расказаў маршал Сената Рэспублікі Польшча Станіслаў Карчэўскі на сустрэчы са студэнтамі і выкладчыкамі філфака БДУ і прадстаўнікамі сярэдніх школ сталіцы, у якіх вывучаецца польская мова.
Акрамя гэтага, падчас свайго візіту ў Беларусь ён разам з парламенцкай дэлегацыяй і старшынёй Савета Рэспублікі Міхаілам Мясніковічам наведаў Рэспубліканскі навукова-практычны цэнтр дзіцячай анкалогіі, гематалогіі і імуналогіі ў Бараўлянах і палац у Нясвіжы.
Рэктар Белдзяржуніверсітэта Сяргей Абламейка нагадаў, што паміж БДУ і польскімі вучэбнымі і навуковымі ўстановамі ўжо падпісана 33 пагадненні. Найбольш плённае супрацоўніцтва наладжана з ВНУ Варшавы, Лодзі і Беластока. Праходзяць абмены і стажыроўкі выкладчыкаў і студэнтаў. Іван Роўда, дэкан філфака БДУ, адзначыў, што польская філалогія — адна з самых папулярных на факультэце сярод абітурыентаў.
— Вельмі важна супрацоўнічаць ва ўсіх сферах, асабліва ў навуцы, — расказвае Станіслаў Карчэўскі. — Беларускія і польскія ВНУ знаходзяцца прыкладна на адных і тых жа пазіцыях у міжнародных рэйтынгах. Дзякуючы нашаму партнёрству, мы можам разам ісці наперад.
Актыўнае супрацоўніцтва ідзе і ў медыцынскай сферы. Міністр аховы здароўя Васіль ЖАРКО адзначыў, што «адбываецца абмен вопытам. Ажыццяўляюцца пастаўкі медыцынскай тэхнікі ў нашы бальніцы па лініі Еўрасаюза». Па словах кіраўніка міністэрства, ужо ёсць дамоўленасць аб сустрэчы з міністрам аховы здароўя Польшчы для абмеркавання перспектыў партнёрства. Станіслаў Карчэўскі пасля візіту ў лячэбную ўстанову заўважыў, што лячэнне дзіцячых анкалагічных захворванняў у Беларусі знаходзіцца на сусветным узроўні. Ён разам з Васілём Жарко абмеркаваў перспектывы польска-беларускага трансгранічнага супрацоўніцтва, у тым ліку ў клінічнай вобласці.
Надзея АНІСОВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
