Напярэдадні Новага года ў магілёўскай гімназіі №3 адкрыўся клас Канфуцыя па вывучэнні кітайскай мовы, культуры і традыцый.
Такім чынам установа далучылася да міжнароднага праекта — глабальнай сеткі інстытутаў Канфуцыя па ўсім свеце. А гэта дае магчымасць навучацца кітайскай у носьбітаў мовы — выкладчыкаў-валанцёраў і стаць удзельнікамі міжнародных адукацыйных і культурных праектаў.
— Зараз вельмі актыўна развіваецца супрацоўніцтва паміж Кітаем і Беларуссю і ведаць кітайскую мову не толькі карысна, але і неабходна, — падкрэсліла завуч гімназіі Наталля Гарбаценка. — У нашай установе вось ужо другі год працуе валанцёр з Кітая. Цікавасць з боку дзяцей да кітайскай культуры вялікая. Летась мову вывучалі 140 чалавек, а сёлета — 230.
Нашы вучні ўдзельнічаюць ў прадметнай алімпіядзе па кітайскай мове. Праўда, улічваючы, што мову ў Магілёве акрамя нас ніхто не вывучае, спаборнічаем пакуль толькі між сабой.
Між тым будучае ў кітайскай мовы ў Магілёве вялікае. Плануецца, што хутка цэнтр кітайскай мовы і культуры адкрыецца ў Магілёўскім дзяржаўным універсітэце імя А. Куляшова.
Нэлі ЗІГУЛЯ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
