Абмеркаванні адбыліся 27 лістапада ў Палаце прадстаўнікоў, Канстытуцыйным і Вярхоўным судах (дэпутаты і суддзі, паводле Канстытуцыі, з’яўляюцца дэлегатамі УНС), а таксама на абласных сходах дэлегатаў VII УНС ад Гродзеншчыны і Віцебшчыны. Задача актыўна падключаць дэлегатаў Усебеларускага народнага сходу да гэтага працэсу ставілася Старшынёй УНС Аляксандрам Лукашэнкам. Упершыню такая пільная ўвага да маючага адбыцца Сходу, што, несумненна, абумоўлена як фарматам, так і зместам галоўнага грамадска-палітычнага мерапрыемства года. Першы раз у гісторыі суверэннай Беларусі на зацвярджэнне дэлегатаў УНС, а значыць усяго народа, выносіцца найважнейшы дакумент, які вызначыць стратэгію развіцця краіны на бліжэйшыя пяць гадоў. 

На пасяджэнні чацвёртай сесіі Савета Рэспублікі Нацыянальнага сходу восьмага склікання адобраны праект закона «Аб бюджэце дзяржаўнага пазабюджэтнага фонду сацыяльнай абароны насельніцтва Рэспублікі Беларусь на 2026 год», паведаміла БелТА. 

На сумесным пасяджэнні Палаты прадстаўнікоў і Савета Рэспублікі віцэ-прэм’ер расказаў аб павышэнні канкурэнтаздольнасці і кірунках развіцця аграпрамысловага комплексу краіны, пасля чаго адказаў на пытанні парламентарыяў. 

Прэзідэнт Беларусі Аляксандр Лукашэнка ў Бішкеку 27 лістапада прыняў удзел у саміце Арганізацыі Дагавора аб калектыўнай бяспецы. Саміт прайшоў у адміністрацыйным будынку «Ынтымак Ардо», куды, як паведамляе тэлеграм-канал «Пул Першага», беларускі лідар прыбыў першым з удзельнікаў. Кіраўніка беларускай дзяржавы па прыбыцці вітаў Прэзідэнт Кыргызстана Садыр Жапараў.

Можна лічыць, што мерапрыемства для журналістаў розных краін не адбылося, калі яны не атрымалі эксклюзіўны каментарый Прэзідэнта Беларусі. Пасля заканчэння саміту АДКБ Аляксандр Лукашэнка шчыра пагутарыў з журналістамі.