Сеткавае выданне zviazda.by

У Беларусі намецілася тэндэнцыя да росту долі айчынных тавараў у рознічным гандлі. Аб гэтым паведаміла намеснік міністра антыманапольнага рэгулявання і гандлю Святлана Караткевіч, перадае БелТА.

Пастановай Савета Міністраў ад 22 ліпеня 2025 года № 397 зацверджаны перанос працоўных дзён у 2026 годзе. У адпаведнасці з дакументам працоўны дзень 20 красавіка (панядзелак) пераносіцца на суботу, 25 красавіка. Днямі адпачынку будуць 18 (субота), 19 (нядзеля), 20 (панядзелак) і 21 (аўторак) красавіка — 4 дні. Пры гэтым арганізацыям з улікам спецыфікі вытворчасці (работы) даецца права ажыццявіць перанос працоўнага дня (20 красавіка) на іншы выхадны дзень, які прыпадае на суботу.

Урадам у Палату прадстаўнікоў унесены праект Закона «Аб ратыфікацыі Пратакола аб унясенні змяненняў у Дагавор паміж Рэспублікай Беларусь і Расійскай Федэрацыяй аб роўных правах грамадзян ад 25 снежня 1998 г.», паведамляе прэс-служба ніжняй палаты парламента.

Для аператыўнага рэагавання на праблемныя і спрэчныя сітуацыі, звязаныя з умовамі, аплатай працы ўдзельнікаў жніва, у Федэрацыі прафсаюзаў дзейнічае шматканальны тэлефонны нумар. Зараз званкі прымаюцца з 08:00 да 20:00 па рабочых днях, а са жніўня цэнтр будзе працаваць і ў выхадныя дні. Прадстаўнікі прафсаюзаў гатовы неадкладна рэагаваць на ўсе пытанні работнікаў, занятых на ўборцы ўраджаю. Звароты прымаюцца па нумары 8 801 100 1111 (званок бясплатны для абанентаў «Белтэлекама» і мабільных аператараў, A1, МТС, БеСТ (Life)).

Работнікі МНС аказваюць дапамогу ў ліквідацыі наступстваў непагадзі ў Мінску, перадае БелТА.

У Фрунзенскае РУУС звярнуліся сваякі 79-гадовай мінчанкі з заявай, што ў іх маці зніклі залатыя ўпрыгожанні коштам каля Br30 тыс. Пра гэта БелТА паведамілі ў ГУУС Мінгарвыканкама.

У Беларусі намалацілі першы мільён тон збожжа, паведамляе БелТА са спасылкай на прэс-службу Мінсельгасхарча. 

З 1 жніўня 2025 года ў Мінску пачне працаваць новы аўтобусны маршрут № 193, які злучыць аўтастанцыю «Паўднёва-Заходняя» з 2-м Прылуцкім завулкам. Аб гэтым паведамілі на дзяржпрадпрыемстве «Сталічны транспарт і сувязь».

Міністэрства ўнутраных спраў Беларусі расказала аўтамабілістам, як паводзіць сябе на дарогах у складаных умовах надвор’я.