Сеткавае выданне zviazda.by

У Беларусі стартаваў трэці сезон рэспубліканскай акцыі «Разам — у будучыню!», якая аб’ядноўвае прадстаўнікоў дзіцячых і маладзёжных грамадскіх арганізацый, актывістаў РГА «Белая Русь». Марафон традыцыйна праходзіць напярэдадні Дня народнага адзінства і ў гэтым годзе зноў ахопіць усю краіну, расказалі БелТА ў прэс-службе РГА «Белая Русь».

У Федэрацыі прафсаюзаў Беларусі адзначаюць павелічэнне колькасці зваротаў ад маладых спецыялістаў. Большасць выпускнікоў ужо прыступілі да работы, і менавіта на першых этапах працоўнай дзейнасці ў іх узнікаюць пытанні аб гарантыях і правах, паведамляе БелТА.

Фестываль дадатковай адукацыі дзяцей і моладзі стартуе ў Беларусі 5 верасня. Пра гэта журналістам паведаміў начальнік галоўнага ўпраўлення ідэалагічнай, выхаваўчай работы і маладзёжнай палітыкі Міністэрства адукацыі Віктар Доўнар, перадае БелТА.

Больш за 4,3 тыс. маладых спецыялістаў прыбудуць на свае першыя працоўныя месцы ў Магілёўскай вобласці. Пра гэта расказала галоўны спецыяліст упраўлення па рабоце са сродкамі масавай інфармацыі і маладзёжнай палітыкі Галоўнага ўпраўлення ідэалагічнай работы і па справах моладзі Магілёўскага аблвыканкама Таццяна Навуменка.

У Беларусі паслядоўна ўдасканальваюцца падыходы да папярэджання дэструктыўных паводзін у маладзёжным асяроддзі. Укараняюцца сучасныя метады ранняга выяўлення залежнасцяў, актуалізуюцца спосабы барацьбы з распаўсюджаннем забароненых рэчываў у лічбавай прасторы, узмацняецца работа па папулярызацыі здаровага ладу жыцця.

На думку загадчыка Цэнтра кампетэнцый тэхналогій сельскай гаспадаркі і меліярацыі на базе Смілавіцкага дзяржаўнага каледжа Сцяпана Кончыца, для сучаснай тэхнікі патрэбны ўжо не механізатар, а аператар. Ён не толькі кіруе самаходнымі машынамі ў полі, але і разумее прынцып іх дзеяння, знаёмы з асновамі аграноміі. Бо задачу яму ставяць спецыялісты гэтай галіны, але настройваюць тэхніку адпаведным чынам, выконваюць аперацыі і сочаць за іх дакладнасцю людзі на трактарах і камбайнах. Таму яны павінны ведаць прынцыпы функцыянавання тэхнікі (валодаць пэўнымі інжынернымі ведамі) і асноўныя этапы вегетацыі раслін, валодаць пэўнымі кампетэнцыямі ў ІT-тэхналогіях. На думку ж вядучага інжынера ТАА «Тэхналогіі земляробства» Віктара ДЗЯМ’ЯНАВА, аптымальна, калі індустрыялізацыя сельскай гаспадаркі адбываецца з двух бакоў: зверху — праз прыняцце адпаведных дзяржаўных праграм, і знізу — калі сістэма адукацыі арыентуецца на самыя сучасныя веды, якія маладыя спецыялісты будуць рэалізоўваць у гаспадарках і ствараць попыт на новыя тэхналогіі.