Сеткавае выданне zviazda.by

У астраўной правінцыі Хайнань да 2030 года будзе паэтапна ўведзена поўная забарона на продаж аўтамабіляў з рухавікамі ўнутранага згарання. Такім чынам, Хайнань стаў першай кітайскай правінцыяй, якая ўстанавіла канкрэтны тэрмін забароны продажу паліўных аўтамабіляў, перадае «Жэньмінь жыбаа» анлайн.

Пад стратэгічным кіраўніцтвам Старшыні КНР Сі Цзіньпіна і Прэзідэнта Беларусі Аляксандра Лукашэнкі кітайска-беларускія адносіны ўсепагоднага і ўсебаковага стратэгічнага партнёрства ўступілі ў найлепшы перыяд у гісторыі. Аб гэтым заявіў Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь Чжан Вэньчуань на ўрачыстым мерапрыемстве з нагоды 105-й гадавіны заснавання Камуністычнай партыі Кітая і 99-годдзя з дня стварэння Народна-вызваленчай арміі Кітая.

Кітай плануе павялічыць сярэднюю чаканую працягласць жыцця насельніцтва да 80 гадоў да 2030-га ў параўнанні з паказчыкам 79,25 года, зафіксаваным у 2025 годзе, на фоне пастаянных намаганняў па паляпшэнні грамадскіх медыцынскіх паслуг і прасоўванні рэалізацыі ініцыятывы «Здаровы Кітай». Гэта адзначаецца ў новым пяцігадовым плане па паляпшэнні здароўя насельніцтва, перадае «Сіньхуа».

Ідэальны пункт для лагістыкі, электроннага гандлю і экспарту

На рацэ Тарым — самай доўгай унутранай рацэ Кітая (даўжыня 2327 кіламетраў, працякае па рэгіёне Сіньцзян і ўздоўж паўночнай ускраіны пустыні Такла-Макан) пачаўся асноўны сезон паводак. У павеце Луньтай Баянгол-Мангольскай аўтаномнай акругі Сіньцзяна паводкавыя воды накіроўваюць на арашэнне шырокіх масіваў таполевых лясоў, што спрыяе аднаўленню іх экасістэм, перадае «Жэньмінь жыбаа» анлайн.

Сёлета ў першым паўгоддзі ў Кітаі 140 мільёнаў чалавек ажыццявілі пакупкі праз трансгранічныя платформы электроннай камерцыі. Пра гэта паведаміла кіраўнік Галоўнага мытнага ўпраўлення КНР Сунь Мэйцзюнь, перадае «Сіньхуа».

У раёне Хайчжу горада Гуанчжоу (правінцыя Гуандун, Паўднёвы Кітай) выпадковая знаходка аднаго з мясцовых жыхароў раскрыла таямніцу, схаваную мільёны гадоў, — тут былі выяўлены некалькі цэлых скамянелых яек дыназаўраў, перадае «Жэньмінь жыбаа» анлайн».

Паводле афіцыйных даных, сёлета ў першым паўгоддзі Кітай наведалі каля 23 мільёнаў замежных турыстаў — гэта на 20,4% больш у параўнанні з аналагічным перыядам мінулага года. Прытоку турыстаў у значнай ступені спрыяла палітыка бязвізавага ўезду, у рамках якой краіну наведалі звыш 17,8 млн чалавек, рост склаў больш за 30%, перадае «Жэньмінь жыбаа» анлайн».

Днямі ў горадзе Юньчэн, што ў правінцыі Шаньсі на поўначы Кітая, тэмпература паветра паднялася вышэй за 37 градусаў па Цэльсіі. На дахах аднаго з жылых комплексаў запусцілі сістэму «штучнага дажджу». Звыштонкія пырскі вады, якія распыляюцца на адкрытым паветры, забяспечваюць хуткае і эфектыўнае астуджэнне ў гарачае надвор’е, перадае «Сіньхуа».