Сеткавае выданне zviazda.by

Днём і ноччу ратавальнікі прыходзяць на дапамогу людзям, якія трапілі ў бяду. Ліквідуючы надзвычайныя сітуацыі як прыроднага, так і тэхнагеннага характару, яны на ўвесь свет заявілі: няма тых задач, якія не былі б па сілах супрацоўнікам МНС Беларусі. За высокім аўтарытэтам на міжнароднай арэне і бездакорнай павагай да людзей гэтай прафесіі ўнутры краіны — добрасумленнае выкананне пастаўленых задач, аснашчэнне падраздзяленняў сучаснай пажарнай аварыйна-ратавальнай тэхнікай, тэхнічнымі сродкамі, абсталяваннем і экіпіроўкай, стварэнне камфортных умоў працы. У сукупнасці ўсё гэта ўплывае на якасць аказання дапамогі — а значыць, на захаванне чалавечых жыццяў.

План дзеянняў па павышэнні фінансавай граматнасці насельніцтва на 2025–2030 гады і мерапрыемствы па яго выкананні зацверджаны адпаведнай пастановай Праўлення Нацбанка, паведамілі ў яго прэс-службе.

Беларусь паступова і ўпэўнена фарміруе ўласную аўтамабільную прамысловасць, арыентаваную на інавацыі і якасць. Калі яшчэ некалькі дзесяцігоддзяў таму аўтамабілебудаванне асацыявалася перш за ўсё з цяжкай тэхнікай і грузавікамі, то сёння сітуацыя зусім іншая. Краіна стварыла прадпрыемствы, што выпускаюць канкурэнтаздольныя легкавыя аўтамабілі, якія адпавядаюць сусветным стандартам і запытам пакупнікоў.

Зазірнуўшы ў беларускі супермаркет, дзе на прылаўках грувасцяцца горы салямі, кумпякоў і сардэлек айчыннай вытворчасці, а ў малочным аддзеле і зусім вочы разбягаюцца — цудоўная смятана, ёгурты, ражанка, масла, малако — і ўсяго гэтага нярэдка дзясяткі відаў, госці нашай краіны нярэдка ўпадаюць у ступар. Айчынная харчовая прадукцыя заваявала сэрцы не толькі блізкіх суседзяў, але і людзей з далёкага замежжа. Найперш — сваёй найвышэйшай якасцю.

Святло перспектывы.

РНПЦ псіхічнага здароўя рэалізоўвае шэраг навуковых праектаў, асаблівасць якіх — выкарыстанне ў практычнай ахове здароўя. Адзін з іх — даследаванні ў галіне фармакагенетыкі, што дае магчымасць падабраць аптымальнае лячэнне з улікам генетычных асаблівасцяў кожнага пацыента. Пашыраецца і выкарыстанне сучасных апаратных методык, у прыватнасці транскраніяльнай магнітнай стымуляцыі, і ў найбліжэйшы час пачнецца лячэнне дэпрэсіі з выкарыстаннем метаду стымуляцыі блукаючага нерва. У планах супрацоўнікаў цэнтра — стварэнне спецыяльнага мабільнага дадатку для кантролю за сімптомамі псіхічных расстройстваў, якія змогуць папярэджваць чалавека аб магчымым абвастрэнні хваробы і даваць індывідуальныя парады, а таксама забяспечваць камунікацыю з урачом.

Выбіраючы мэблю для дома, мы рэдка задумваемся, колькі працэсаў задзейнічана ў яе вытворчасці і як увогуле з каркаса, паралону, скуры або тканіны ў выніку атрымліваецца канапа. Каб адказаць на гэтае пытанне, а таксама даведацца, за кошт чаго дасягаецца высокая якасць айчыннай мэблі, карэспандэнты «Звязды» накіраваліся на адно з прадпрыемстваў Міншчыны — ЗАТ «Маладзечнамэбля».

Сёння становіцца відавочным, што дзеючыя падыходы да дзяржпраграмавання трэба карэктаваць. Аб гэтым заявіў Прэм’ер-міністр Беларусі Аляксандр Турчын падчас пасяджэння Прэзідыума Савета Міністраў, якое было прысвечана рэалізацыі дзяржаўных праграм, у тым ліку ацэнцы яе эфектыўнасці ў 2021-2024 гадах. 

Беларускія халадзільнікі «Атлант» ведаюць спажыўцы ў больш чым 30 краінах свету. І, як прызнаюцца на прадпрыемстве, галоўная ўзнагарода — тое, што пакупнікі рублём галасуюць за іх бытавую тэхніку. Сакрэт жа поспеху на рынку — у нязменна высокай якасці прадукцыі. Прадпрыемства — неаднаразовы лаўрэат Прэміі Урада Рэспублікі Беларусь у галіне якасці. Клопат пра яе пачынаецца нават не на этапе ўваходнага кантролю сыравіны, а нашмат раней — за год-два да таго, як выраб паступіць у серыйную вытворчасць, яшчэ падчас стварэння новага вырабу. Праводзіцца і комплексная цэнавая палітыка, каб бытавая тэхніка не атрымалася занадта дарагой. Як ЗАТ «Атлант» ужо на працягу больш як шасці дзесяцігоддзяў атрымліваецца вырабляць якасны прадукт, паглядзелі карэспандэнты «Звязды».

Брэсцкае машынабудаўнічае прадпрыемства «КОМПО» вядомае далёка за межамі нашай краіны. Абсталяванне для перапрацоўкі прадукцыі харчовай прамысловасці, якое сыходзіць з канвеераў, пастаўляецца больш чым у 40 краін свету і на роўных канкурыруе з таварамі вядучых сусветных вытворцаў.