Сеткавае выданне zviazda.by

Рыхтуецца да разгляду ў другім чытанні праект Закона Рэспублікі Беларусь «Аб змяненні законаў па пытаннях дарожнай дзейнасці». Пакуль дакумент актыўна дапрацоўваецца: ідзе збор меркаванняў, зваротаў і пажаданняў, прымаюцца да ўвагі прапановы экспертаў у частцы пошуку і выкарыстання рэзерваў развіцця аўтадарожнай сеткі — як рэспубліканскай, так і мясцовай. У полі зроку заканадаўцаў — павышэнне эфектыўнасці арганізацыі дарожнага руху і кіравання транспартнай інфраструктурай, у тым ліку з дапамогай інтэлектуальнай транспартнай сістэмы Мінтранса.

Сёлета Асіповіцкі завод транспартнага машынабудавання быў занесены на рэспубліканскую Дошку гонару па выніках работы за мінулы год. Ужо той факт, што прадпрыемства з невялікага райцэнтра на Магілёўшчыне паспяхова канкурыруе з расійскімі і кітайскімі вытворцамі, сведчыць пра многае. Тут робяць тару для чыгуначных саставаў. Здавалася б, што складанага ў вытворчасці цыстэрнаў, у якіх перавозяць нафтапрадукты? Але, трапіўшы непасрэдна на прадпрыемства, зразумелі, што гэта шматступенны працэс, і кантроль за якасцю на ўсіх этапах вытворчасці — важны яго складнік. Яно і нядзіўна, бо тут узнікае і пытанне бяспекі: уявіце, што здарыцца, калі мазут ці бензін з няякасна зробленай цыстэрны грузавога саставу ў вялікай колькасці выльецца побач з населеным пунктам, вадаёмам, сельгасугоддзямі...

Беларусь была і застаецца адкрытай краінай ва ўсіх сэнсах, нягледзячы на тое, што цяперашняя сітуацыя ў свеце значна паўплывала на ўсе сферы жыцця, у тым ліку і на турыстычныя патокі ды паветраныя зносіны. Уласны карэспандэнт «Звязды» адправілася ў Гродзенскі аэрапорт, каб даведацца, як ён працуе ў сучасных умовах.

Сёлета ўпершыню ў гісторыі незалежнай Беларусі адбудзецца выпуск пілотаў, падрыхтаваных Беларускай дзяржаўнай акадэміяй авіяцыі

Калі казаць пра якасць жыцця, нельга не згадаць электратранспарт. Найперш гэта чыстае паветра. А яшчэ — камфорт для вадзіцеляў і пасажыраў, калі размова пра грамадскі транспарт. Нездарма Прэзідэнт на нядаўняй нарадзе па развіцці атамнай энергетыкі закрануў гэту тэму, даручыўшы прапрацаваць маршруты электробусаў замест цесных душных маршрутак у гарады-спадарожнікі Мінска.

Каб атрымаць паспяховыя і канкурэнтаздольныя прадукты харчавання, якія заваююць прыхільнасці пакупнікоў не толькі ў нашай краіне, але і за мяжой, трэба ўлічыць шэраг фактараў. Гэта і патрабаванні медыкаў аб якасным і збалансаваным харчаванні, і запыты саміх спажыўцоў на смачны і даступны прадукт, які адпавядае сучасным тэндэнцыям, а таксама тэхнічныя магчымасці вытворцаў і іх жаданне выпускаць запатрабаваную прадукцыю. Навукова-практычны цэнтр НАН Беларусі па харчаванні пры распрацоўцы новых тэхналогій вытворчасці і харчовых навінак улічвае ўсе гэтыя ўмовы і працуе ў цеснай узаемасувязі з усімі прадпрыемствамі галіны. Гэта дазваляе хутка і эфектыўна ўкараняць інавацыйныя рашэнні і адказваць на актуальныя запатрабаванні. Адным з такіх з’яўляецца, напрыклад, удасканаленне школьнага харчавання. Пасля нядаўняй нарады ў Прэзідэнта меню ў чарговы раз было актуалізавана. У хуткім часе з’явяцца ў ім і новыя прадукты, распрацаваныя навукоўцамі.

Пасля нарады ў Прэзідэнта, дзе абмяркоўвалася пытанне харчавання ў школах Беларусі і асаблівая ўвага была ўдзелена пытанню запатрабаванасці прапанаванага меню сярод навучэнцаў, Міністэрства адукацыі прыняло рашэнне ўвесці і апрабаваць новае двухтыднёвае меню ў мінскіх школах.

Днямі ў Выканаўчым камітэце Садружнасці Незалежных Дзяржаў адбылася ІІІ Міжнародная навукова-метадычная канферэнцыя «Забеспячэнне якасці адукацыі: стан, праблемы і перспектывы». Форум стаў важнай міжнароднай пляцоўкай для абмену вопытам, абмеркавання сучасных падыходаў і вызначэння новых кірункаў развіцця адукацыйнай сістэмы.

Якасці дарог і іх абнаўленню ў нашай краіне ўдзяляецца пільная ўвага. Кіраўнік дзяржавы назваў будаўніцтва і добраўпарадкаванне дарог і мастоў найважнейшай задачай дзяржавы. Аб гэтым Прэзідэнт заявіў на нядаўнім адкрыцці абноўленага моста ў Мазыры. Па выніках рэалізацыі дзяржінвестпраграмы за гэту пяцігодку чакаецца выкананне рамонту і рэканструкцыі 18 тысяч кіламетраў аўтамабільных дарог рэспубліканскага і мясцовага значэння, а таксама 24 тысячы пагонных метраў маставых збудаванняў на іх.