Вы тут

Сексуальныя расстройствы - з'ява масавая?


Сексуальныя расстройствы — з'ява ў наш час масавая і ў першую чаргу абумоўленая псіхікай, а не фізічнай паталогіяй.

Статыстыка ананімных апытанняў, зваротаў беларусаў па меддапамогу, а таксама даныя замежных даследчыкаў указваюць на тое, што больш за палову жанчын не могуць атрымаць аргазм падчас сексуальных кантактаў, а каля 1 працэнта пакутуюць ад дыскамфорту. Ад 30 да 50 працэнтаў мужчын маюць праблемы з патэнцыяй, што сустракаюцца ў маладых мужчын усё часцей.


— Сексуальныя расстройствы пасля 50 гадоў часцей за ўсё з'яўляюцца вынікам саматычных захворванняў, а вось у маладых гэта, як правіла, вынік псіхалагічных цяжкасцей на розных этапах жыцця, праблем сексуальнага выхавання, павышанага стрэсагеннага фону сучаснага жыцця і неўрозаў, — тлумачыць урач-псіхатэрапеўт сексалагічнага аддзялення Мінскага гарадскога клінічнага псіхіятрычнага дыспансера Васіль ШАЎЛЯКОЎ. — Прыкладна 10 працэнтаў жанчын наогул не здольны адчуваць аргазм, а каля 50 працэнтаў не могуць перажыць яго толькі падчас палавога акта. Прычына ў блакадах псіхікі, у неўратычных сітуацыях, канфліктах, трывозе, самых розных страхах — за выключэннем, напрыклад, боязі непажаданай цяжарнасці. Але галоўнае — гэта страх перад стратай кантролю, страх, звязаны з тым, што з дзяцінства падаецца чымсьці дрэнным, грахоўным, брудным, небяспечным. Гэта яшчэ і недастатковая здольнасць даверыцца, аддацца... Разам з тым дасягнуць высокага ўзроўню сексуальнага ўзбуджэння немагчыма без сексуальных фантазій, а жанчыны па розных прычынах могуць іх не дапускаць. Прычынай анаргазміі можа стаць і назойлівая канцэнтрацыя на тых адчуваннях, якія павінны папярэднічаць аргазму...

Што да часовай імпатэнцыі, мужчына будзе хутчэй думаць аб нейкім фізічным дэфекце, вінаваціць сябе. А на самай справе проста яго з дзяцінства прывучалі, што самае важнае — выконваць тое, чаго ад цябе чакаюць іншыя, а не арыентавацца на ўласныя жаданні.

Праблема можа заключацца ў канфлікце блізкасці і дыстанцыі. Ён існуе там, дзе ў стасунках дакладна не вызначана, наколькі кожны з партнёраў лічыць дапушчальнай пэўную ступень блізкасці і залежнасці, не баючыся пры гэтым страціць сваю аўтаномію. Патрэба ў блізкасці або неабходнасць у дыстанцыі — вельмі важная характарыстыка асобы, так што звяртайце на гэта ўвагу пры выбары партнёра!

Стрымліваць наша сексуальнае жаданне можа выхаванне, дэпрэсія, цяжкія стрэсы, трывога. Калі ў аснове нашых сексуальных праблем — усё, што звязана з псіхікай, значыць, вы сабе «не дазваляеце», а не «не можаце». Шукайце прычыну сваіх праблем разам з урачом-псіхатэрапеўтам або сексолагам.

Святлана Барысенка

protas@zviazda.by

Загаловак у газеце: Не магу? Ці не дазваляю?

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.