26 Верасень, серада

Вы тут

Дзеля разумення творчых працэсаў


Міністэрства інфармацыі і Беларускі саюз мастакоў заключылі пагадненне аб супрацоўніцтве.


Дакумент мае на мэце папулярызацыю сучаснага мастацтва і павышэнне агульнага культурнага ўзроўню насельніцтва праз сумесныя праекты. Пра гэта расказаў міністр інфармацыі Аляксандр Карлюкевіч.

— Пагадненне арыентуе нас на сумесную працу, звязаную з грамадска-сацыяльнымі праектамі, якія асвятляюцца медыйнай супольнасцю, і з той сацыяльнай і творчай работай, якая разглядаецца ў межах працы Беларускага саюза мастакоў. Як прыклад: з дапамогай СМІ нам удалося прыцягнуць грамадскасць да распрацоўкі талісмана
ІІ Еўрапейскіх гульняў. Зараз мы спадзяёмся, што пэўныя карэктывы ў ідэю талісмана ўнясуць прафесійныя мастакі. На чарзе таксама цэлы шэраг агульных конкурсаў, якія атрымаюць такую ж шырокую інфармацыйную падтрымку, — запэўніў міністр.

Рыгор Сітніца, старшыня Беларускага саюза мастакоў, адзначыў, што пагадненне найперш дасць грамадству веды і разуменне мастацкіх працэсаў, якія ў нас адбываюцца ў краіне. Гэта асабліва актуальна, бо сёння большасць жыхароў краіны адарвана ад сучасных павеваў выяўленчага мастацтва. Катастрафічна не хапае якаснай аналітыкі, якая разглядала б творчасць у гістарычным і агульнакультурным аспектах. Між тым многа працы зроблена ў асвятленні мастацкіх працэсаў і трэба, каб занятыя ў гэтым кірунку людзі адчулі падтрымку і вартасць сваёй працы.

З азначанай праблемы нарадзілася ідэя рэспубліканскага творчага конкурсу на найлепшае асвятленне ў СМІ тэмы мастацтвазнаўства і мастацкай крытыкі. Да ўдзелу ў ім прымаюцца работы, апублікаваныя ў СМІ, альбо сюжэты, якія выйшлі ў тэлевізійны ці радыёвяшчальны эфір, а таксама матэрыялы, размешчаныя на сайтах у даменнай зоне .by на працягу 2018 года на беларускай або рускай мове.

— Усяго намі вылучана чатыры намінацыі. За асабісты ўклад будуць ушанаваныя дзеячы, што значную частку жыцця і сіл прыклалі на асвятленне і вывучэнне працэсаў выяўленчага мастацтва. У другой і трэцяй намінацыях плануем узнагароджваць аўтараў за аналітычнае асвятленне мастацкай падзеі або за аналітычнае асвятленне творчасці пэўнай асобы. Чацвёртая намінацыя будзе звязана з разглядам навуковых работ у галіне мастацтвазнаўчай крытыкі, — паведаміў старшыня Беларускага саюза мастакоў.

Умовы конкурсу будуць размешчаны на сайтах Беларускага саюза мастакоў і Міністэрства інфармацыі. Пераможцы акрамя дыпломаў могуць разлічваць і на матэрыяльную ўзнагароду.

Рагнеда ЮРГЕЛЬ

Фота Яўгена ПЯСЕЦКАГА

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Шчырая размова з вядомым педагогам пра бацькоўскія сумненні і страхі

Шчырая размова з вядомым педагогам пра бацькоўскія сумненні і страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.