Вы тут

Гісторыя як цуд у ілюстрацыях Паўла Татарнікава


Беларускі мастак-ілюстратар Павел Татарнікаў зноў здзіўляе аматараў якаснага малюнка і кнігі серыяй цікавых ілюстрацый «Маляўнічая гісторыя Радзімы» да беларускіх народных казак у апрацоўцы Уладзіміра Ягоўдзіка «Залатая шарсцінка, срэбная павуцінка» і да серыі кніг Анатоля Бутэвіча «Сем цудаў Беларусі». Ілюстрацыі экспануюцца ў Прэзідэнцкай бібліятэцы.


У гэты праект мастак уклаў вялікую частку душы. На творчай сустрэчы Павел Татарнікаў падкрэсліў, што праз свае ілюстрацыі запрашае і чытачоў кніг, і гледачоў выстаўкі зразумець, якім велізарным багаццем валодае Беларусь і як неабходна яго захоўваць у розных формах: мастацкіх, музычных, духоўных...

— Мы павінны думаць пра тое, што будуць ведаць наступныя пакаленні пра наша жыццё, культуру і традыцыі. Калі пра гэта не паклапаціцца сёння, заўтра ўсё можа знікнуць, — упэўнены Павел Татарнікаў. — Калі малюю, заўсёды думаю, пра што мне было б цікава даведацца, калі быў падлеткам. Сюжэт будую так, каб асноўная тэма была зразумелая не толькі, напрыклад, даросламу чалавеку, але і 14-гадоваму юнаку. Мне здаецца, вельмі важна не навязваць нацыянальную ідэю, а зацікавіць ёю.

У стылістыцы і вобразнасці твораў Паўла Татарнікава спалучаецца гістарычная дакладнасць і казачны рамантызм. Што б ні ілюстраваў мастак: беларускія казкі, гістарычныя апавяданні ці легенды — усім кнігам спадарожнічае поспех і цікавасць чытачоў, як дзяцей, так і дарослых.

 Татарнікаў часта стварае вобразы, арыентуючыся на пэўныя рысы сваіх блізкіх і знаёмых. Аўтар падкрэслівае, што задача мастака-ілюстратара — стварыць вобраз. Не апісаць, не паўтарыць тэкст малюнкам, а дадаць рэальнасці. Тады і кніга атрымаецца як суцэльны твор, а ілюстрацыя ў ёй будзе ўспрымацца як мастацтва.

Цяпер творца працуе над некалькімі праектамі. Але прызнаецца, што серыя «Маляўнічая гісторыя Радзімы» — быццам доўгачаканае дзіця, бо ідэі выспявалі гадамі. Серыя стала своеасаблівым падарункам Анатолю Бутэвічу да 70-годдзя. Выстаўка будзе працаваць амаль да канца лета, наведаць яе можна, прад’явіўшы чытацкі білет альбо пашпарт.

Вікторыя АСКЕРА 

Дадаць каментар

Выбар рэдакцыі

Палітыка

Уладзімір Андрэйчанка расказаў пра найбольш значныя законапраекты

Уладзімір Андрэйчанка расказаў пра найбольш значныя законапраекты

 «Толькі агульнымі намаганнямі мы зможам супрацьстаяць няпростым выклікам часу».

Грамадства

Як у Беларусі абясшкоджваюць боепрыпасы

Як у Беларусі абясшкоджваюць боепрыпасы

​Колішняя Беларуская ваенная акруга лічылася адной з самых магутных у СССР.

Грамадства

Выхоўваць ці любіць? Шчырая размова з педагогам пра бацькоўскія страхі

Выхоўваць ці любіць? Шчырая размова з педагогам пра бацькоўскія страхі

«Калі ў вас адкрыўся рот, каб накрычаць на дзіця, спыніцеся хоць на секунду…» 

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі.