Вы тут

Карфбол і рынга: навучыцца ніколі не позна


Прызнайцеся, ці часта ў вас з'яўляецца жаданне падтрымаць сваё здароўе і фізічную форму? Напэўна, дастаткова часта, але, як правіла, кожны раз, каб суцішыць сваё сумленне, знаходзяцца адгаворкі кшталту «на здароўе няма ні часу, ні грошай». Акцыя «Тыдзень здароўя і спорту», якая праходзіць пад дахам «Мінск-Арэны», — выдатная магчымасць гэтую сітуацыю выправіць: дастаткова толькі знайсці час, а грошы вам не спатрэбяцца. На працягу ўсяго тыдня тут праводзяцца бясплатныя майстар-класы па чатырох відах спорту — карфболу, бодзібілдынгу, рынга і стральбе з лазернага пісталета. Вырашылі зазірнуць на «Мінск-Арэну» і мы.

Акцыя «Тыдзень спорту і здароўя», якая праводзіцца па ініцыятыве Міністэрства адукацыі, стала ўжо традыцыйнай. Яна падтрымліваецца шматлікімі спартыўнымі цэнтрамі не толькі ў Мінску, але і ва ўсёй краіне, — расказала дырэктар Рэспубліканскага цэнтра фізічнага выхавання і спорту навучэнцаў і студэнтаў Валянціна БАЛЯБА. — Абсалютна любы ахвотны можа прыйсці на «Мінск-Арэну» і паспрабаваць сябе ў адным з чатырох відах спорту ці адразу ва ўсіх, калі ёсць такое жаданне.

Шмат каго з хлопцаў цікавіць, як праходзяць трэніроўкі па бодзібілдынгу. Адбываюцца яны ў звычайнай трэнажорнай зале. На дзіва, там было і шмат дзяўчат, якія трэніраваліся нараўне з супрацьлеглым полам. Акцыя цікавая і тым, што толькі на пляцоўках «Мінск-Арэны» можна пабачыць, як гуляюць у такія рэдкія віды спорту, як карфбол і рынга. Карфбол у чымсьці нагадвае баскетбол. Але калі баскетбол пабудаваны на перадачах і вядзенні мяча, то карфбол — толькі на перадачах. Такі від спорту вельмі зручны, бо не патрабуе спецыяльна абсталяванай пляцоўкі — у карфбол можна гуляць нават на звычайным полі. А ў некаторых школах, напрыклад, сельскіх, на ўроках фізкультуры вельмі праблематычна сабраць дзве баскетбольныя каманды, у якіх будзе па пяць чалавек. Для карфболу гэта не праблема, таму што ў гэтым відзе спорту дазваляецца збіраць і змешаныя каманды, якія будуць складацца з хлопцаў і дзяўчат.

Яшчэ адзін малазнаёмы для беларусаў від спорту — рынга. Нешта накшталт валейбола — толькі праз сетку перакідваюць не мячык, а кольца. І гульцоў на полі прысутнічае толькі тры. Плюсы гэтай гульні ў тым, што ў ёй могуць удзельнічаць людзі любога ўзросту. Від спорту хоць і не алімпійскі, але спаборніцтвы па ім у Беларусі праводзяцца.

Вялікую цікавасць ва ўдзельнікаў акцыі выклікала і стральба з лазернага пісталета. Тут шэфства над моладдзю ўзяў студэнт Беларускага дзяржаўнага ўніверсітэта фізічнай культуры Павел Шкраб, неаднаразовы прызёр першынства свету сярод моладзі. Павел расказаў, што стральба з лазернага пісталета — гэта адзін з відаў пяцібор'я, а ўвогуле ў пяцібор'е ўваходзяць канкур, фехтаванне, стральба, бег і плаванне. Гэты від спорту — для сапраўдных мужчын.

Падчас акцыі ёсць магчымасць таксама бясплатна пакатацца на каньках. Балазе, штучны лёд дазваляе забыцца, што за сценамі «Мінск-Арэны» «бабіна лета».

Вікторыя ЧАПЛЕВА

Выбар рэдакцыі

Грамадства

Дыета ад хандры. Што жаваць, каб не перажываць

Дыета ад хандры. Што жаваць, каб не перажываць

«Сумныя» прадукты — прэч з халадзільніка!

Грамадства

«Сталінскі праспект мы называлі брадвеем». Як і чым жылі беларускія стылягі

«Сталінскі праспект мы называлі брадвеем». Як і чым жылі беларускія стылягі

Пасля смерці Сталіна «жалезная заслона», якая аддзяляла Савецкі Саюз ад навакольнага свету, прыадчынілася.

Калейдаскоп

Усходні гараскоп на наступны тыдзень

Усходні гараскоп на наступны тыдзень

АВЕН. Неабходна будзе сканцэнтраваць намаганні на рабоце.

Грамадства

Прынцып Інэсы Караткевіч: цаніць кожную хвіліну

Прынцып Інэсы Караткевіч: цаніць кожную хвіліну

«Ні разу не пашкадавала, што прыйшла працаваць у такую ўнікальную структуру, як спажыўкааперацыя»