Беларуская каманда «МАЗ-СПОРТаўто» і мабільны аператар Velcom правяраюць на трываласць міжнародны роўмінг у экстрэмальных умовах ралі-рэйду «Дакар—2014»
Беларусы падчас гонкі карыстаюцца бясплатнай мабільнай сувяззю ад Velcom. На падставе атрыманых ад гоншчыкаў звестак мабільны аператар можа ацаніць якасць сувязі адразу ў трох краінах — Аргенціне, Балівіі і Чылі. Асаблівую цікавасць для спецыялістаў уяўляюць малазаселеныя тэрыторыі, у тым ліку пустыня Атакама.
Члены экіпажаў узялі з сабой на «Дакар» звычайныя тэлефоны. Толькі адзін з удзельнікаў паехаў на гонку са смартфонам. Экіпажы падчас гонкі карыстаюцца спадарожнікавай сувяззю, але яна можна быць малапрыдатнай у выпадку, калі гарызонт засланяюць горы.
Камунікацыя па спадарожнікавых каналах сувязі больш зручная ў плане шырокага пакрыцця і незаменная там, дзе няма тэхнічнай магчымасці ўстанавіць вышку, напрыклад, у акіяне ці на моры. А перавага мабільнай сувязі заключаецца ў параўнальна недарагім кошце званка. Акрамя таго, абаненту дастаткова звычайнай мабільнай прылады, каб дазваніцца на нумар спадарожнікавага камунікатара. Сёння мабільная сувязь у экстрэмальных умовах такая ж эфектыўная, як і спадарожнікавая.
Дарэчы, аператар Velcom ужо трэці раз выступае тэхнічным партнёрам беларускай каманды на «Дакары».
Надзея НІКАЛАЕВА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».