Эканамічная няроўнасць у свеце ўзрасла да такой ступені, што сукупнае багацце 85 найбагацейшых людзей планеты (гэта каля 1,7 трыльёна долараў) раўняецца агульнаму багаццю 3,5 млрд звычайных людзей — паловы насельніцтва планеты, паведамляе газета «Взгляд» са спасылкай на апублікаваны даклад у The Guardіan.
У дакладзе «Праца для нямногіх» сцвярджаецца, што няроўнасць з'явілася вынікам захопу ўлады з боку эканамічнай эліты, якая атрымлівае магчымасці ціску на ўрады з мэтай прасоўвання выгаднай ёй палітыкі. Так, па статыстыцы амаль паловай сусветнага багацця (46%) валодае адзін працэнт насельніцтва, якому ўвогуле належыць 110 трыльёнаў долараў. Гэта ў 65 разоў больш, чым фінансавыя сродкі найбяднейшай часткі насельніцтва.
Працэс засяроджвання сусветнага багацця ў руках усе меншай колькасці людзей працягваецца. Летась мільярдэрамі сталі 210 чалавек. У выніку іх колькасць павялічылася да 1426, а іх агульнае багацце склала 5,4 трыльёна долараў. У якасці прыкладу размеркавання багацця ў краінах, якія развіваюцца, прыводзіцца сітуацыя ў Індыі. Там за апошняе дзесяцігоддзе колькасць мільярдэраў вырасла з 6 да 61 чалавека, і яны засяродзілі ў сваіх руках сукупныя сродкі ў памеры 250 мільярдаў долараў. Да 2008 года на мільярдэраў у Індыі прыпала 26% ад багацця ўсяго насельніцтва, тады як у 2003 годзе гэты паказчык складаў 1,8%.
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».