Праблема жылля ў Магілёве заўсёды стаяла вельмі востра. На 1 студзеня наўліку па паляпшэнні жыллёвых умоў у абласным цэнтры стаяла больш за 31 тысячу чалавек. У льготным спісе значыцца больш 2000 сем'яў, сваёй чаргі чакаюць 1229 сем'яў, якія пражылі ў інтэрнатах больш за 10 гадоў, і каля 6000 маладых сем'яў, якія маюць дваіх дзяцей. А які быў мінулы год? Ці ўдалося часткова вырашыць жыллёвую праблему з дапамогай арэнднага жылля? З гэтымі пытаннямі карэспандэнт «Звязды
» звярнулася да мэра горада Уладзіміра ЦУМАРАВА.
— У фонд жылля камерцыйнага выкарыстання ўвайшлі 50 новых кватэр і 71 паўторнага засялення. Для прыкладу: толькі на 1 кватэру ў новым арэндным доме па вуліцы Алтайскай былі пададзены 33 заявы. Першачарговае права на «камерцыйнае» жыллё маюць тыя, хто стаіць на ўліку ахвотных палепшыць свае жыллёвыя ўмовы. Калі з іх боку заяў няма, шанц прадастаўляецца ўсім астатнім. Пры наяўнасці свабодных арэндных кватэр інфармацыя пра іх (месцазнаходжанне, памер платы за карыстанне, адрасы і тэлефоны для звароту) размяшчаецца на сайце Магілёўскага гарвыканкама. Базавая стаўка за карыстанне такім жыллём складае 0,2 базавай велічыні за 1 квадратны метр агульнай плошчы жылога памяшкання ў месяц.
Наогул толькі за леташнія студзень-лістапад уведзена ў эксплуатацыю больш за 109 тысяч квадратных метраў агульнай плошчы жылля, у тым ліку 18 шматкватэрных дамоў (больш за 91 тысячу квадратных метраў), дзе ключы ад кватэр атрымалі 1505 сем'яў. Здадзена 40 сацыяльных кватэр,131 кватэра для адсялення грамадзян з непрыдатных для пражывання дамоў, 104 кватэры для шматдзетных сем'яў.
—А як справы з праблемнымі і састарэлымі дамамі?
— У жніўні-кастрычніку мінулага года ўведзены ў строй праблемныя шматпавярховікі ў мікрараёне «Спадарожнік», па вуліцы Алтайскай і завулку Новы.
Акрамя таго, за леташнія студзень-лістапад гарвыканкам выдзеліў 72 кватэры (14 з іх паўторнага засялення) людзям, жыллё якіх было прызнана непрыдатным для пражывання або аварыйным.
—Ці шмат у горадзе будынкаў, якія пустуюць ці, як кажуць, неэфектыўна выкарыстоўваюцца? Як вырашаецца іх лёс?
— У Магілёве знаходзіцца 20 аб'ектаў нерухомасці. Сярод іх аб'екты камунальнай уласнасці, рэспубліканскай, абласной, а таксама тыя, якія раней знаходзіліся ў камунальнай уласнасці, але потым былі перададзены суб'ектам гаспадарання. У дачыненні да аб'ектаў, якія знаходзяцца ў гарадской уласнасці, сфарміраваны каляндарныя графікі ўключэння іх у гаспадарчы абарот, па кожным вызначаны кірунак, тэрміны і асобы, адказныя за выкананне.
Нэлі ЗІГУЛЯ.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.