У Нацыянальнай бібліятэцы Беларусі прайшоў «круглы стол» на тэму «Жанчыны Беларусі: Асобы, падзеі, часопіс», прысвечаны святкаванню 90-годдзя часопіса «Алеся».
[caption id="attachment_63562" align="alignnone" width="600"] Міністр інфармацыі Лілія Ананіч віншуе з юбілеем часопіса намесніка дырэктара РВУ «Выдавецкі дом «Звязда» — галоўнага рэдактара «Алесі» Ларысу Ракоўскую.[/caption]
Міністр інфармацыі Лілія АНАНІЧ зачытала віншаванне калектыву «Алесі» ад кіраўніка краіны Аляксандра Лукашэнкі.
— Старонкі «Алесі» паказваюць развіццё не толькі жаночага руху, яны паказваюць, як развівалася наша краіна, — сказала Лілія Станіславаўна. — Жанчына — гэта душа сям'і, народа і нацыі, яна фарміруе духоўны код грамадства. Пагартаўшы старонкі гэтага выдання, мы можам убачыць, якімі былі нашы бабулі і што любілі нашы мамы. Часопіс дае самую шырокую палітру жыцця беларускай дзяржавы. Хацелася б, каб ён, нягледзячы на свой узрост, заўсёды заставаўся маладым і юным, таму што жанчыны таксама заўсёды застаюцца маладымі. Сёння яны займаюць важныя пасады ў грамадскіх, дзяржаўных структурах, на прадпрыемствах, у арганізацыях і пры гэтым выхоўваюць дзяцей, з'яўляюцца добрымі гаспадынямі і жонкамі. Берагчы духоўна-маральныя каштоўнасці ў нашай краіне — у гэтым асноўная задача жаночага часопіса.
— Сёння мала якія часопісы і газеты маюць такую багатую гісторыю, — далучылася да віншаванняў сустаршыня грамадскага аб'яднання «Беларускі саюз жанчын» Антаніна МОРАВА. — Мяняліся назвы часопіса, рубрыкі, мяняліся рэдактары і эпохі, але заставалася заўсёды адно — змест. Задачы, якія былі пастаўлены перад выданнем 90 гадоў таму, актуальныя і сёння. Гэта праблемы жанчын, сям'і і выхавання дзяцей. Часопіс расказвае пра лёсы жанчын, дапамагае парадамі, адукоўвае — дзеліцца радасцю.
Гутарка за круглым сталом атрымалася цікавая. І гэта не дзіўна, бо ў ёй удзельнічалі людзі, якія мелі самае непасрэднае дачыненне да выпуску часопіса і да яго праблематыкі. На мерапрыемстве прысутнічалі жанчыны, якія ўзначальвалі «Алесю» ў розныя гады: Марыя Карпенка, Раіса Баравікова, Тамара Бунта, а таксама старшыня цэнтральнага камітэта прафсаюза работнікаў культуры Наталля Аўдзеева, генеральны дырэктар РУП «Белпошта» Ірына Саксонава, намеснік старшыні Саюза жанчын, старшыня аддзялення «Сялянка» Рэгіна Давідовіч. Вёў «круглы стол» намеснік дырэктара РВУ «Выдавецкі дом «Звязда» — галоўны рэдактар часопіса «Полымя» Алесь Бадак.
Сёння «Алеся» — адно з найстарэйшых выданняў Беларусі, адзіны ў краіне дзяржаўны часопіс для жанчын. Першы нумар «Беларускай работніцы і сялянкі» (так тады называлася выданне) убачыў свет у канцы лістапада 1924 года. На працягу ўсёй гісторыі рэдактарамі часопіса былі выключна жанчыны.
З першага кастрычніка 2014 года часопіс «Алеся» выдаецца «Выдавецкім домам «Звязда». Заснавальнікамі часопіса з'яўляюцца Міністэрства інфармацыі Беларусі і грамадскае аб'яднанне «Беларускі саюз жанчын».
Наталля ТАЛІВІНСКАЯ
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.