Вы тут

Прыгрэе да 15 цяпла


А бліжэй да выхадных уначы падмарозіць і месцамі пройдзе мокры снег

У аўторак наша краіна трапіць пад уплыў цёплых паветраных мас, якія паступаюць з паўднёвага захаду Еўропы. Пра гэта паведаміла спецыяліст Рэспубліканскага гідраметцэнтра Мінпрыроды Вольга Фядотава.

OLYMPUS DIGITAL CAMERA

Пры павышаным фоне атмасфернага ціску будзе без істотных ападкаў, вецер паўднёва-заходні ўмераны. Максімальная тэмпература паветра ўдзень складзе 6-12 цяпла, а па поўдні — нават да плюс 15 градусаў. Захаваецца ў Беларусі цёплае надвор'е і ў сераду.

У чацвер стане ўжо халадней. Тады тэрыторыя краіны апынецца ў зоне паніжанага ціску і атмасферных франтоў. Таму ўначы месцамі, а ўдзень пераважна па паўднёва-ўсходняй палове краіны чакаюцца дажджы, а часам магчымы мокры снег. Тэмпература паветра ўначы на чацвер будзе ўжо ад мінус 1 да плюс 5 градусаў, удзень — 2-8 цяпла, а па ўсходзе месцамі да плюс 10 градусаў.

Паводле доўгатэрміновых прагнозаў айчынных спецыялістаў, у пятніцу і суботу часам чакаюцца ападкі ў выглядзе дажджу і мокрага снегу. Тэмпература паветра ўначы складзе ад мінус 1 да плюс 4 градусаў, удзень — 1-8 цяпла. У нядзелю яшчэ пахаладае. Тады ўначы будзе ад мінус 3 да плюс 3 градусаў, а ўдзень — 1-7 цяпла.

Сяргей КУРКАЧ.

Выбар рэдакцыі

Грамадства

У чым пайсці на выпускны баль?

У чым пайсці на выпускны баль?

 Паглядзім, што раяць стылісты і што рэальна набыць у нашых шыротах, пажадана не ўганяючы бацькоў у даўгі.

Калейдаскоп

Усходні гараскоп на наступны тыдзень

Усходні гараскоп на наступны тыдзень

Для Цяльцоў гэты тыдзень будзе напоўнены справамі і клопатамі, звязанымі са сваякамі ці дзецьмі. 

Спорт

Які наш спорт сёння?

Які наш спорт сёння?

«З кожным днём сітуацыя ў свеце мяняецца так, што ў вялікай ступені гэта закранае і спорт».