На чыгуначным вакзале праваахоўнікі затрымалі 20-гадовага мінчаніна. Экспертыза паказала, што парашкападобнае рэчыва ў яго багажы — гэта рэагенты для вырабу сінтэтычных курыцельных сумесяў.
Па папярэдніх ацэнках, з гэтай сыравіны можна было вырабіць больш за 20 тысяч доз спайсу. Акрамя таго, малады чалавек прывёз у Гродна вялікую партыю спайсу, які ўжо быў гатовы да ўжывання. Агульны кошт наркотыку складае каля 2,5 мільярда рублёў. Наркадылер таксама паклапаціўся пра мерную лыжачку для расфасоўкі псіхатропных сродкаў і невялікія магніты для размяшчэння доз на металічных прадметах.
Супрацоўнікі ўпраўлення Следчага камітэта па Гродзенскай вобласці цяпер каардынуюць сваю работу з калегамі ў іншых рэгіёнах, бо ёсць падставы лічыць, што аналагічныя злачынствы гэты юнак учыніў у Мінску і Брэсце. Наркадылера змясцілі ў следчы ізалятар, яму пагражае да 15 гадоў пазбаўлення волі.
Барыс ПРАКОПЧЫК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?