Вы тут

А вы баіцеся павукоў?


Навукоўцы з Каліфарнійскага ўніверсітэта ў Санта-Барбары (ЗША) выказалі здагадку, што страх перад павукамі з'яўляецца ахоўным эвалюцыйным механізмам.

12-24

Наша зрокавая сістэма валодае здольнасцю хутка выяўляць навакольныя пагрозы — змей, павукоў, небяспечных драпежнікаў (гэта з'яўляецца элементам так званай сітуацыйнай гатоўнасці).

Псіхолагі правялі на добраахвотніках выпрабаванне: яны пасадзілі студэнтаў за камп'ютар з простым графічным тэстам, але час ад часу ўстаўлялі ў яго на імгненне кадры з іголкай для падскурных ін'екцый, мухай і павуком. У выніку менш за 15% удзельнікаў заўважылі з'яўленне іголкі, 10% заўважылі муху, затое з'яўленне павука заўважылі больш за палову добраахвотнікаў!

Павукі-выкапні сустракаюцца ў адкладах каменнавугальнага перыяду, гэта значыць, яны існавалі 350 мільёнаў гадоў таму, задоўга да чалавека. Многія з іх былі атрутнымі і з развіццём прыматаў сталі ўяўляць для апошніх пагрозу. Прыматы выпрацавалі супраць павукоў механізм сітуацыйнай гатоўнасці (як супраць звычайных драпежнікаў або змей). Псіхалагічны тэст з'яўляецца адным з пацверджанняў гэтай тэорыі. Нягледзячы на тое, што сёння смяротных павукоў вакол нас не так шмат, як у далёкім мінулым, інстынктыўны страх па-ранейшаму карысны нават у сучасным грамадстве: каля 200 чалавек штогод паміраюць ад укусаў атрутных павукоў па ўсім свеце.

Падрыхтаваў Іван КУПАРВАС

Выбар рэдакцыі

Грамадства

«Нават праз 40 гадоў сямейнага жыцця рамантыка застаецца...»

«Нават праз 40 гадоў сямейнага жыцця рамантыка застаецца...»

Інтэрв'ю з алімпійскім чэмпіёнам па фехтаванні.