Да канца лета засталіся лічаныя дзянькі. Але і восенню можна смела працягваць запасацца зёлкамі. Што ж трэба збіраць у верасні? Па адказ на гэтае пытанне мы звярнуліся да гаспадыні аграсядзібы «Хорань» (месціцца ў Расонскім раёне) Алы ХОРАНЬ, якая робіць гарбатку нават для Італіі.
Вось пералік зёлак, якія рэкамендуецца збіраць у першы месяц восені.
* Валяр'яна лекавая — карэнішчы з каранямі.
* Драсён змяіны — карэнішчы з каранямі.
* Дзягіль лекавы — карэнішчы з каранямі.
* Календула лекавая — суквецці.
* Каліна звычайная — кара, плады.
* Журавіны — плады.
* Крапіва двухдомная — лісце.
* Лопух вялікі — карані.
* Ядловец звычайны — шышкаягады.
* Дзьмухавец лекавы — карані.
* Вольха шэрая — шышкі.
* Шыпшына карычная — плады.
* Крушына слабіцельная (жосцер) — плады.
* Дуброўка прамастаячая — карэнішчы.
* Шчаўе конскае — карэнішча і карані.
Лісце рэкамендуецца збіраць у сухое і сонечнае надвор'е, пасля таго, як высахне раса (з 9 да 16 гадзін). Плады і ягады — раніцай ці позна ўвечары і толькі спелыя.
Сабраныя зёлкі трэба старанна высушыць, затым скласці на захоўванне. У далейшым вы заўсёды зможаце скарыстацца сваім каштоўным запасам для прыгатавання карысных настояў і адвараў.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.