13 студзеня ў 12 гадзін валанцёры БРСМ "Добрае сэрца" Мінскай абласной арганізацыі БРСМ праводзяць абласны этап рэспубліканскай дабрачыннай акцыі "Цуды на Каляды", удзельнікамі якой стануць падлеткі з прыёмніка-размеркавальніка для непаўналетніх УУС Мінаблвыканкама, асуджаныя да пазбаўлення волі.
Зараз у прыёмніку-размеркавальніку знаходзіцца сем непаўналетніх правапарушальнікаў ва ўзросце 12-16 гадоў. Выхаванцаў спецустановы разам з валанцёрамі БРСМ павіншуюць і вайскоўцы Кіналагічнага Цэнтра Узброеных Сіл Рэспублікі Беларусь, Мінскага раённага аддзела па надзвычайных сітуацыях і Грамадскага аб'яднання "Беларуская Федэрацыя Тхэквандо". Хлопцы ўбачаць паказальныя выступленні службовых сабак, прымуць удзел у майстар-класе па прыёмам самаабароны, а таксама даведаюцца аб правільным выкарыстанні піратэхнічных сродкаў, а пасля атрымаюць падарункі ад валанцёраў "Добрае Сэрца".
Даверная гутарка з гасцямі, фатаграфіі на памяць - усё гэта, на думку арганізатараў, дапаможа натхніць падлеткаў перагледзець сваё жыццё і зрабіць якасна новы крок наперад.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.