Чаканая працягласць жыцця пры нараджэнні ў 2020 годзе ў Беларусі вырасце да 75,3 года. Такая інфармацыя змешчана ў пастанове Савета Міністраў ад 9 лютага 2017 года нумар 111, якая апублікавана сёння на Нацыянальным прававым інтэрнэт-партале.
Пастанова ўносіць змяненні ў дзяржаўную праграму "Здароўе народа і дэмаграфічная бяспека Рэспублікі Беларусь" на 2016-2020 гады.
Так, зводным мэтавым паказчыкам дзяржаўнай праграмы і мэтавымі паказчыкамі падпраграм прадугледжваецца забяспечыць да 2020 года павелічэнне чаканай працягласці жыцця пры нараджэнні да 75,3 года (раней павелічэнне чакалася да 74,6 года). У 2017 годзе гэты паказчык павінен скласці 74,3 года.
Акрамя таго, у скарэкціраванай дзяржпраграме абазначана зніжэнне ў 2017 годзе дзіцячай смяротнасці ва ўзросце ад 0 да 18 гадоў да 41,3 прасантыміле на 100 тыс. чалавек, у 2019 годзе - да 40,8 прасантыміле на 100 тыс. чалавек.
Пастанова ўступае ў сілу пасля яе афіцыйнага апублікавання.
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
