На тэрыторыі парка "Горні" у Лідскім раёне Гродзенскай вобласці адкрыўся першы ў Беларусі рэгіянальны лясны экалагічны адукацыйны цэнтр.
Створаны ў помніку паркавага мастацтва і лесаводства цэнтр дапаможа захаваць дэндрапарк, стварыць умовы для развіцця экатурызму. Экалагічны клас, музей лясной гаспадаркі і домік "У гасцях у пчол" з’явіліся дзякуючы намаганням Беларускага батанічнага таварыства, Лідскага лясгаса і Інстытута эксперыментальнай батанікі імя В. Ф. Купрэвіча НАН Беларусі. Гэта пілотная ініцыятыва ў межах праекта "Садзейнічанне пераходу Рэспублікі Беларусь да "зялёнай" эканомікі" Еўрапейскага саюза, ПРААН, Міністэрства прыродных рэсурсаў і аховы навакольнага асяроддзя.
Аснашчаны па апошнім слове тэхнікі новы экалагічны клас размясціўся ў гістарычным будынку Лідскага лясніцтва. Музей лясной гаспадаркі Гродзеншчыны адкрыты ў будынку шышкасушылкі. Тут можна даведацца не толькі аб тым, як сушацца і ачышчаюцца ад насення шышкі, але і пазнаёміцца са 140-гадовай гісторыяй лідскай лясной гаспадаркі. А ў доміку "У гасцях у пчол" раскажуць пра збор мёду, як уладкаваны вулей, пар сямейную іерархію пчол, пачастуюць і мёдам, і гарбатай.
Для новага цэнтра распрацаваныя экалагічныя сцяжынкі — пешыя, водныя і веласіпедныя. У парку "Горні" можна пабачыць 158 дрэў, якім больш за сотню гадоў. Ёсць нават віды з Паўночнай Амерыкі. Ёсць тут і спартыўная пляцоўка, і дзіцячыя гульнявыя комплексы, і альтанка для правядзення шлюбных урачыстасцяў. Дарэчы, маладыя могуць пасадзіць у парку сваё ўласнае сямейнае дрэва.
Святлана БАРЫСЕНКА
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».