Да такой высновы каторы год прыходзіць камісія Рэспубліканскага агляду-конкурсу па добраўпарадкаванню дваравых тэрыторый. Яе члены адзначаюць, што аздабленне двароў у вёсках і аграгарадках знаходзіцца на вельмі высокім узроўні. Прычым гэта тычыцца не толькі мастацкага афармлення кветнікаў, а і складу саміх кветак.
Пералік работ па добраўпарадкаванню і ўтрыманню прыдамавых тэрыторый, якія павінны забяспечваць мясцовыя выканкамы, вызначаны Мінжылкамгасам. Гэта ўтрыманне і рамонт вулічна-дарожнай сеткі, дзіцячых гульнявых і спартыўных пляцовак, пясочніц, пляцовак для збору цвёрдых камунальных адходаў, уход за аб’ектамі расліннага свету, вонкавае асвятленне.
— Разам з тым грамадзяне па ўласнаму жаданню і дамоўленасці з ЖКГ могуць абсталяваць за свае сродкі ў двары, напрыклад, дзіцячую пляцоўку. Існуе таксама дадатковая жыллёва-камунальная паслуга — стварэнне элементаў добраўпарадкавання на тэрыторыі і іх далейшае ўтрыманне, што робіцца са згоды ўсіх жыхароў, — абазначыла Алена НОВІКАВА, галоўны спецыяліст сектара па надзвычайных сітуацыях Міністэрства жыллёва-камунальнай гаспадаркі Беларусі.
Намеснік генеральнага дырэктара ДА “Гарадская жыллёвая гаспадарка” Галіна ГІЛЕВІЧ заўважыла, што ў апошнія гады актыўнасць удзелу грамадзян у добраўпарадкаванні двароў расце:
— Калі сілы, што прыкладваюць самі жыхары на стварэнне кветнікаў ля пад’ездаў і ўход за імі, перавесці ў грашовыя сродкі, калі б кветнік пасадзілі мы і даглядалі яго, то гэтая сума ў некалькі разоў перавышае выдаткі, што пералічваюцца на разліковыя рахункі для закупкі, напрыклад, дзіцячага абсталявання.
Актыўная пазіцыя праяўляецца нават у арандатараў памяшканняў у жылых дамах. А сёлета ў многіх жыхароў з’яўляецца жаданне будаваць у дварах велапаркоўкі.
Ірына СІДАРОК
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
