Вы тут

У Іванаўскім раёне пахавалі 4 ахвяр аварыі на чыгуначным пераездзе


У Іванаўскім раёне пахавалі чатырох ахвяр страшнай аварыі, якая адбылася ў пятніцу на чыгуначным пераездзе.

У гэтай аварыі загінулі 22-гадовы кіроўца мікрааўтобуса, яго малыя пляменнікі: двухгадовы хлопчык і трохгадовая дзяўчынка, і 16-гадовы хлопец, далёкі сваяк кіроўцы. Чатырохгадовая дзяўчынка і 15-гадовы хлопец у цяжкім стане былі дастаўлены ў райбальніцу. Пазней іх перавезлі ў Брэст.


Яшчэ днём напярэдадні выхадных невялікая вёска Рылавічы жыла клопатамі пра ўборку бульбы. 22-гадовы Аляксандр паклікаў малых пляменнікаў, дзяцей сваёй сястры, і ўзяўся падвезці іх у поле, дзе працавалі старэйшыя. У машыне ўжо быў 16-гадовы юнак. Пакатацца папрасілася і малая суседка, чатырохгадовая Алеся. Па дарозе яны падабралі 15-гадовага Мікалая, які спяшаўся на цягнік у Пінск, каб падвезці яго да чыгуначнага прыпынку «Юхнавічы». Каля гэтага прыпынку і здарылася непапраўнае. Кіроўца паехаў на чырвонае святло ў спадзяванні праскочыць. Хоць, як стала вядома пазней, машыніст саставу «Лунінец — Брэст» падаваў гукавыя сігналы, але прадухіліць аварыю не ўдалося.

— Бяда здарылася ў пятніцу вечарам, — сказаў нашаму карэспандэнту старшыня Іванаўскага раённага Савета Канстанцін ВАЎРУК. — А ў суботу ў Дастоеве павінны былі праходзіць раённыя дажынкі. Вядома, свята мы адмянілі ў знак жалобы. Работнікі Бродніцкага сельвыканкама аказвалі ўсю неабходную дапамогу ў арганізацыі пахавання. Падключыліся арганізацыі, дзе працуюць бацькі загінулых. Пахаванне адбылося ў нядзелю. Смуткуе не толькі маленькая вёска Рылавічы, смуткуе ўвесь раён.

На месца здарэння выязджалі прадстаўнікі галоўнага следчага ўпраўлення цэнтральнага апарата СК Рэспублікі Беларусь, следчыя абласнога і раённага СК, спецыялісты Дзяржаўнага камітэта судовых экспертыз, супрацоўнікі пракуратуры і міліцыі. Заведзена крымінальная справа па факце парушэння правілаў дарожнага руху, якое пацягнула за сабой гібель чатырох чалавек па неасцярожнасці.

Святлана ЯСКЕВІЧ

yackevіch@zvіazda.by

Загаловак у газеце: Смуткуе ўвесь раён

Выбар рэдакцыі

Грамадства

Як дзейнічалі партызаны ва Усакінскім лесе на Клічаўшчыне

Як дзейнічалі партызаны ва Усакінскім лесе на Клічаўшчыне

Піша сын аднаго з партызан Генадзь Сахрай.

Грамадства

Алена Богдан: Любы рух павінен быць паступальным, а не разбуральным

Алена Богдан: Любы рух павінен быць паступальным, а не разбуральным

Яна расказала чытачам «Звязды», ці плануе Беларускі саюз жанчын стаць першай жаночай палітычнай партыяй у краіне і як гэта — сумяшчаць работу ў дзяржапараце з актыўнай грамадскай дзейнасцю.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Хітра ўладкавана чалавечая памяць. Бывае, нешта ўбачыў-пачуў, а што — хоць забі — назаўтра не ўспомніш, а нешта — якраз наадварот — «ляжыць» там гадамі ці нават дзесяцігоддзямі і ўспамінаецца досыць часта...

Грамадства

Чаму ў старасці псуецца характар, з'яўляюцца бяссонніца і трывожнасць

Чаму ў старасці псуецца характар, з'яўляюцца бяссонніца і трывожнасць

Аб праблемах старэння і тым, як заўважыць і, магчыма, прадухіліць розныя псіхалагічныя захворванні ў пажылых, мы паразмаўлялі з урачом-псіхатэрапеўтам Гарадскога клінічнага псіхіятрычнага дыспансера Марынай Шчаслянок.