Вы тут

Раім схадзіць


Літаратурна-мастацкі вечар «Светлыя знакі. Паэты Кітая», спаборніцтвы па бясснежных відах ездавога спорту і чатыры вымярэнні сучаснага мастацтва Беларусі – афіша «Звязды» з 25 верасня па 1 кастрычніка.


Літаратурна-мастацкі вечар «Светлыя знакі. Паэты Кітая»

Дзе: Палац Рэспублікі (пл. Кастрычніцкая, 1)

Калі: 25 верасня, 16:00

Колькі каштуе: удакладняць у касе

Серыя «Светлыя знакі» заснавана Выдавецкім домам «Звязда» ў 2014 годзе па прапанове міністра інфармацыі Рэспублікі Беларусь Ліліі Ананіч. На дадзены момант выйшла 9 кніг, якія прадстаўляюць творчасць кітайскіх паэтаў розных эпох з VII стагоддзя да цяперашняга часу.

У рамках праграмы адбудзецца адкрыццё выставы ілюстрацый да названых выданняў члена Беларускага саюза мастакоў Каміля Камала. Будзе прадстаўлена выстава кніг Выдавецкага дома «Звязда».


Сучаснае мастацтва Японіі

Дзе: НЦСМ на Някрасава (вул. Някрасава, 3)

Калі: 26 верасня, 17:00

Колькі каштуе: бясплатна

НЦСМ запрашае на лекцыю аб сучасным японскім тэатры, якая прысвечана творчасці і памяці самага постмадэрнісцкага тэатральнага рэжысёра Японіі Мацумота Юкічы (1946 - 2016), заснавальніка тэатра «Ishinha».

Пасля лекцыі плануецца відэаадказ спектакля «Тры сястры» Чэхава ў пастаноўцы Міура Матой, аднаго з самых незвычайных рэжысёраў новага пакалення. 


Майстар-клас «Асновы візажу»

Дзе: Дзіцячы цэнтр «Краіна цудаў» (вул. Шаранговіча, 39, каб. 1)

Калі: 30 верасня, 16:00

Колькі каштуе: бясплатна

Дзіцячы цэнтр «Краіна цудаў» запрашае дзяцей з 12 гадоў і моладзь на бясплатны майстар-клас па асновах візажу. 

На гэтым занятку ўдзельнікі навучацца адрозніваць колератыпы, вызначаць свой колератып і падбяруць найбольш прыдатную для сябе каляровую гаму. Таксама пазнаёмяцца з неабходнымі для працы матэрыяламі і інструментамі візажыста.


Спаборніцтвы па бясснежных відах ездавога спорту

Фота: dorianspring.ru

Дзе: Лагойск

Калі: 30 верасня (9:00) і 1 кастрычніка (10:00)

Колькі каштуе: бясплатна

Адкрытыя міжнародныя спаборніцтвы па бясснежны відах ездавога спорту будуць праходзіць з 30 верасня па 1 кастрычніка ў Мінскай вобласці каля вёскі Пагрэбішча (Лагойскі раён). Гонка будзе складацца з двух этапаў. Папярэдне, пачатак стартаў у 9.00.

У нашай краіне такія маштабныя спаборніцтвы па ездавым спорце будуць праводзіцца ўжо ў другі раз.


Чатыры вымярэнні сучаснага мастацтва Беларусі

Фота: tricolor.by

Дзе: Нацыянальны мастацкі музей (вул. Леніна, 20)

Калі: 1 кастрычніка, 19:00

Колькі каштуе: 8 р.

1 кастрычніка ў рамках XII Міжнароднага фестывалю Юрыя Башмета ў Нацыянальным мастацкім музеі ўпершыню ў гісторыі пройдзе арт-праект «4 вымярэнні сучаснага мастацтва Беларусі».

Спецыяльна падрыхтаваную інтэрактыўную праграму пры ўдзеле лепшых беларускіх кампазітараў, паэтаў, салістаў балета, акцёраў тэатраў упершыню пакажуць у галоўным музеі краіны - Нацыянальным мастацкім музеі Рэспублікі Беларусь.

Выбар рэдакцыі

Грамадства

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

Арктычнае ўварванне на змену цёпламу паветру. Калі чакаць першы снег? Прагноз ад Дзмітрыя Рабава

З чым звязана такая восеньская зменлівасць надвор’я і калі чакаць першы снег.

Грамадства

Усходні гараскоп на наступны тыдзень

Усходні гараскоп на наступны тыдзень

КАЗЯРОГ. Буйныя крэдыты зараз лепш не браць. Паспрабуйце прывесці думкі і пачуцці ў парадак. І перастаньце гібець, зазірніце ў сябе, ураўнаважце эмацыянальны стан. Зараз самы час для наладжвання згубленых сувязяў, якія спатрэбяцца ў найбліжэйшай будучыні. Не забывайце пра родных і блізкіх.

Спорт

Сяргей Кавальчук: У спорце вышэйшых дасягненняў адна мэта — быць лепшымі

Сяргей Кавальчук: У спорце вышэйшых дасягненняў адна мэта — быць лепшымі

Міністр спорту і турызму пра жыццё беларускага спорту. Шчыра і аб’ектыўна.