Напярэдадні зімовых свят карэспандэнты "Звязды" разам з чараўніцай Карынай рабілі навагодні вянок з штучных матэрыялаў. Рукадзельнікі кажуць, што менавіта такі вянок праслужыць не адзін год і захаваецца ў выдатным стане. Да таго ж яго заўсёды з лёгкасцю можна дапаўняць у залежнасці ад вашаго настрою або інтэр'ера. За справу!
Для вырабу вянка нам спатрэбіцца:
- загатоўка для вянка;
- гірлянда з штучнай хвоі;
- лапкі штучнай хвоі;
- абцугі/пласкагубцы
- нажніцы
- клеявы пісталет.
У якасці ўпрыгажэнняў мы выкарыстоўвалі:
- высушаную бавоўну і пшаніцу;
- атласную стужку;
- цацкі-шарыкі;
- шышкі.
Адзначым, што ўпрыгожваць вянок можна ўсім, на што хопіць фантазіі! Галоўнае, каб гэтае штосьці "пасябравала" з клеем. Усе матэрыялы, якіх не аказалася дома, можна набыць у крамах рукадзелля.
На выраб навагодняга вянка ў Карыны пайшла гадзіна. Майце на ўвазе, што навічкам у гэтай справе можа спатрэбіцца больш часу, але вынік і сам працэс творчасці гэтага вартыя! Паверце! Вянок уласнымі рукамі - гэта не толькі прыгожа і душэўна, але і выгадна. Галоўнае - майстраваць з добрым настроем і ўсмешкай! З надыходзячымі святамі, любыя чытачы!
Фіналістка праекта «Акадэмія талентаў» на АНТ — пра творчасць і жыццё.
На гэтым тыдні Цяльцы будуць проста незаменныя ўсюды, дзе іх ведаюць.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
