У ходзе алімпійскай акрэдытацыі ў Пхёнчхане аргкамітэт вылучыў для Беларусі квоту ў пяць дадатковых месцаў. Дзве «пуцёўкі» вылучаныя прадстаўнікам лыжных гонак, тры — канькабежцам, расказаў шэф беларускай місіі Аляксандр Барауля.
У склад дэлегацыі ўключаны Віталь Міхайлаў (мас-старт), Таццяна Міхайлава (1000 м) і Ксенія Садоўская (500 м) (усе — канькабежны спорт), а таксама Валянціна Камінская, якая выйдзе на старт у спрынце і жаночай эстафеце (лыжныя гонкі).
Такім чынам, на зімовых Алімпійскіх гульнях выступяць 32 беларускія атлеты ў 6 відах спорту. Многія з іх адправяцца ў Пхёнчхан 1 лютага, гэта прадстаўнікі камандаў па лыжных гонках, канькабежным спорце, шорт-трэку, гарналыжным спорце, адміністрацыйная і медыцынская групы.
Пазней стала вядома, што Міжнародны алімпійскі камітэт задаволіў просьбу Беларускай федэрацыі біятлона і выдаў акрэдытацыю знакамітаму нарвежскаму біятланісту і мужу Дар'і Домрачавай Уле-Эйнару Б'ёрндалену. «Ён адправіцца ў Пхёнчхан у складзе беларускай дэлегацыі за кошт трэнерскай квоты, якая была ў біятланістаў. Дзякуем МАК, што дапамог нашай федэрацыі, і знакаміты біятланіст будзе прысутнічаць на Гульнях», — адзначыў Анатоль Стромскі, генеральны сакратар Беларускай федэрацыі біятлона.
Нагадаем, Уле-Эйнар Б'ёрндален не змог адабрацца ў якасці атлета на сёмую для сябе Алімпіяду ў складзе каманды Нарвегіі. Беларуская федэрацыя біятлона выступіла з ініцыятывай запрасіць біятланіста на Гульні ў складзе беларускай дэлегацыі, каб аказаць дапамогу ў падрыхтоўцы сваёй жонцы Дар'і Домрачавай.
Дар'я ЛАБАЖЭВІЧ
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».