Трэйдынгавыя кампаніі плануюць паставіць забруджаную расійскую нафту ў Азію

Буйныя нафтатрэйдынгавыя кампаніі Vitol і Unipec плануюць пастаўляць забруджаную расійскую нафту, ад якой адмовіліся еўрапейскія пакупнікі, у азіяцкія краіны. Пра гэта паведамляе ТАСС са спасылкай на агенцтва Reuters.

Па дадзеных агенцтва, зацікаўленасць у куплі 700 тыс. т нафты прадэманстравалі кітайскія незалежныя нафтаперапрацоўчыя кампаніі. Цана на пастаўкі будзе ўстаноўлена пасля праверак якасці нафты.

У сярэдзіне красавіка беларускі канцэрн "Белнафтахім" паведаміў аб пастаўках некандыцыйнай нафты з РФ. У выніку экспарт светлых нафтапрадуктаў на Украіну, ў Польшчу і краіны Балтыі быў прыпынены.

Крыніца забруджвання экспартнай нафты была знойдзены на ўчастку Самара - Унеча. У кампаніі "Транснафта" заявілі, што забруджванне нафты ў трубаправодзе было наўмысным.

Па факце забруджвання заведзена крымінальная справа. У Следчым камітэце РФ заявілі, што "брудная" нафта была загружана ў нафтаправод для ўтойвання крадзяжоў сыравіны.