100slow. Дар'я Значонак

100slow

Аднойчы на майстар–класе конкурса «БрамаМар» я ўсвядоміла, што свае творы, аказваецца, можна дасылаць у «Маладосць».

Нечаканае адкрыццё, праўда? Асабліва пасля чатырох студэнцкіх гадоў вывучэння выдавецкай справы...

Ці верыце — рэдакцыя зусім не ў суседняй галактыцы. Яна на тым канцы электроннай пошты. Каб наладзіць кантакт, дастаткова: а) прымацаваць да ліста файлы; б) расказаць пра сябе; в) адправіць.

Сумненні?

Якія сумненні?

Толькі ўявіце: вашы творы чытаюць. Падпраўляюць. Друкуюць (ага, нават на паперы!). А ў паштовую скрыню ляцяць зваротныя «маладосцеўскія» лісты з прапановай наведаць імпрэзу, напісаць у рубрыку. Даслаць штосьці новенькае.

Два гады мінула, а я ўсё дзіўлюся. Дзіўлюся — але дасылаю.

Паспрабуйце і вы!

Дар’я ЗНАЧОНАК