Як стала вядома Tribuna.com, брэсцкае "Дынама" ў бліжэйшы час скасуе кантракт з былым абаронцам зборнай Украіны і кіеўскага "Дынама" Яўгенам Хачарыдзі.
32-гадовы абаронца заключыў кантракт з брэсцкім клубам 23 кастрычніка, пасля чаго Хачарыдзі пачаў трэніравацца з камандай. Меркавалася, што кантракт пачне дзейнічаць з 1 студзеня.
Раней паведамлялася аб тым, што спартыўны дырэктар брэсцкага "Дынама" Сяргей Кавальчук таксама пакіне клуб. Як паведамляе крыніца Tribuna.com, гэтыя гісторыі могуць быць звязаныя.
Яўген Хачарыдзі пакінуў кіеўскае "Дынама" пасля сур'ёзнага канфлікту з галоўным трэнерам Аляксандрам Хацкевічам. Зараз жа беларускага спецыяліста сватаюць у брэсцкі клуб. Гэтыя факты таксама можна звязаць.
Афіцыйныя асобы брэсцкага "Дынама" пакуль адмаўляюцца ад каментароў. Сам футбаліст сцвярджае, што нічога не чуў пра магчымае скасаване дамовы.
Прэв'ю: football.ua
З мастацтвам па жыцці.
Баявое ўзаемадзеянне найвышэйшага ўзроўню.
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
