Прэзідэнт Беларусі, прэзідэнт Нацыянальнага алімпійскага камітэта Аляксандр Лукашэнка павіншаваў галоўнага трэнера нацыянальнай каманды па фрыстайле Мікалая Казеку з 70-годдзем. Пра гэта БелТА паведамілі ў прэс-службе кіраўніка дзяржавы.
"З вашым імем звязаны самыя яркія алімпійскія дасягненні Беларусі. Вы стаялі ля вытокаў станаўлення айчыннай школы лыжнай акрабатыкі. Дамагліся выбітных поспехаў на найбуйнейшых міжнародных спаборніцтвах. Вывелі нашу краіну ў лідары сусветнага фрыстайлу", - гаворыцца ў віншаванні.
Аляксандр Лукашэнка звярнуў увагу, што Мікалай Казека выхаваў плеяду славутых атлетаў, сярод якіх чатыры алімпійскія чэмпіёны, і пад яго кіраўніцтвам вырасла цэлае пакаленне трэнераў, здольных забяспечваць якасную падрыхтоўку рэзерву і спартсменаў высокага класа.
"Перакананы, што вашыя веды, талент педагога і найбагацейшы вопыт яшчэ шмат гадоў будуць прыносіць карысць беларускаму спорту", - падкрэсліў Прэзідэнт.
Сумесныя праекты ядзерных тэхналогій.
