Пад Баранавічамі двое маладых мужчын лавілі рыбу. Пачалася навальніца, ударыў гром, бліснула маланка. Рыбакі тым часам былі на сярэдзіне вадаёма ў лодцы. У аднаго з іх зазваніў тэлефон у кішэні, ён адказаў...
Пра далейшае расказаў выратавальнікам яго таварыш па рыбалцы. Відавочца запомніў толькі званок і нейкі выбух, а потым убачыў, як сябар боўтаецца ў вадзе і чапляецца за край лодкі. Мужчына выцягнуў сябрука і папрасіў дапамогі па нумары 101. Машына «хуткай» не магла праехаць на месца здарэння з-за адсутнасці дарогі, на падмогу рушылі ратавальнікі. Чалавека з траўмамі ад удару маланкі даставілі ў бальніцу, там адразу змясцілі ў рэанімацыю.
Пра здарэнне паведамілі ў Брэсцкім абласным упраўленні МНС і нагадалі, што нельга падчас навальніцы карыстацца мабільнай сувяззю — лепш за ўсё адключыць тэлефон наогул.
Святлана ЯСКЕВІЧ
У рэспубліцы ў цэлым плануецца падаўжэнне часу работы каля 280 аб’ектаў гандлю і 180 аб’ектаў грамадскага харчавання.
Двайныя грошы, перадаплаты без выніку і межы тарыфаў.
«Змярканне Еўропы» — на гарызонце?
