Вы тут

Праект Навума Гальпяровіча «Сюжэт для вечнасці» з'явіцца на канале «Культура» Беларускага радыё


Новы аўтарскі праект пісьменніка і публіцыста Навума Гальпяровіча «Сюжэт для вечнасці» з'явіцца на канале «Культура» Беларускага радыё ў пачатку верасня і будзе гучаць у эфіры па нядзелях. Праграма будзе цікавай як аматарам літаратуры, так і шырокаму колу слухачоў, нераўнадушных да мастацкага слова.


Навум Гальпяровіч пачынаў сваю кар'еру на Беларускім радыё ў якасці ўласнага карэспандэнта па Віцебскай вобласці, а зараз з'яўляецца намеснікам дырэктара радыёканала «Культура». Літаратурны дэбют Навума Якаўлевіча адбыўся ў наваполацкай газеце «Хімік». Сёння на рахунку мэтра — дзясяткі аўтарскіх радыёперадач, тэлевізійныя праекты і больш за дзесяць кніг, вершы з якіх перакладзеныя на польскую, румынскую, балгарскую, рускую, англійскую і іншыя мовы свету.

— У 2013 годзе ў выдавецтве «Мастацкая літаратура» выйшла мая кніга пад назвай «Сюжэт для вечнасці», — расказвае Навум Гальпяровіч. — Але новы радыёпраект не пра кнігу, а пра тое, што хачу расказаць слухачам: чым я жыў і жыву, пра што мару, пра маё пакаленне, на якое прыйшлося і пасляваеннае дзяцінства, і савецкі час, і перабудова, і жыццё ў сённяшняй незалежнай Беларусі... Аб гэтым, а таксама пра сталенне чалавека, фарміраванне яго асобы і пойдзе размова ў праграме. Гэта вершы і проза, напісаныя ў розны час, але аб'яднаныя назвай — «Сюжэт для вечнасці».

Арыгінальны праект папоўніць цыкл літаратурных перадач на канале «Культура», сярод якіх «Паэзія XXІ стагоддзя», «Літаратурная анталогія», «Радыёбібліятэка», «Паэтычная раніца» і іншыя. Першы выпуск аўтарскіх чытанняў пад музыку выйдзе ў эфір 6 верасня ў 09.05. Слухачы пачуюць апавяданні «Пітомнік» і «Мама».

Загаловак у газеце: «Сюжэт для вечнасці» з першых вуснаў

Выбар рэдакцыі

Грамадства

Старадаўнія сядзібы Гродзеншчыны. Шукаем балі, прывідаў і натхненне

Старадаўнія сядзібы Гродзеншчыны. Шукаем балі, прывідаў і натхненне

Пад натхненнем чырвонага кастрычніка мы вырашылі адправіцца на пошукі цікавых месцаў і містычных гісторый.

Калейдаскоп

Рука, якая трымае калыску, кіруе светам. Тэст да Дня маці

Рука, якая трымае калыску, кіруе светам. Тэст да Дня маці

Мама - гэта галоўны чалавек у жыцці. Мама - гэта дабро і адданасць.

Калейдаскоп

Усходні гараскоп на наступны тыдзень

Усходні гараскоп на наступны тыдзень

РАК. На гэтым тыдні планавыя мерапрыемствы могуць сарвацца, а вось тое, што будзе атрымлівацца спантанна, пройдзе выдатна. 

Грамадства

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

Даведаліся аб цэнах на галоўныя восеньскія ягады, спосабах іх захоўвання і «прафесійных рызыках» пры зборы журавін

У разгары сезон журавін. Менавіта цяпер самы час назапасіць гэтых ягад на доўгі перыяд халадоў і прастуд.