Вы тут

Андрэйчанка: Ключавы напрамак узаемадзеяння Беларусі і АСЕАН — абмен лепшымі практыкамі ў сферы IT


Мерапрыемства, што праходзіць 8-10 верасня ў В’етнаме, арганізавалі ў фармаце відэаканферэнцсувязі. На пленарным пасяджэнні спікер ніжняй палаты парламента выступіў з відэазваротам на тэму «Парламенцкая дыпламатыя дзеля згуртаванай і адаптыўнай супольнасці АСЕАН», — перадае прэс-служба Палаты прадстаўнікоў.


Уладзімір Андрэйчанка адзначыў ролю аб’яднання ў павышэнні парламенцкай дыпламатыі, збліжэнні з краінамі Паўднёва-Усходняй Азіі на палітычным, эканамічным, сацыяльным і іншых напрамках. Дыялогу ва ўмовах няўхільнага росту міжнародных праблем, па яго словах, гарантуе ўстойлівае развіццё супрацоўніцтва паміж краінамі.

«Наша краіна, як і дзяржавы АСЕАН, прасоўвае ідэі супрацоўніцтва, адкрытых і сумленных перамоваў. Як і вы, мы паслядоўна ажыццяўляем незалежную знешнюю палітыку дзеля міру і стабільнага развіцця, шматбаковасці і дыверсіфікацыі адносін», — адзначыў старшыня Палаты прадстаўнікоў.

Наша краіна падтрымлівае імкненне дзяржаў АСЕАН заключыць пагадненне аб зоне свабоднага гандлю з ЕАЭС і гатова садзейнічаць вырашэнню гэтай задачы. Ключавы напрамак узаемадзеяння Беларусі і АСЕАН — абмен лепшымі практыкамі ў сферы IT, падкрэсліў старшыня Палаты прадстаўнікоў.

«У Беларусі ўжо ёсць канкрэтныя поспехі ў стварэнні спрыяльных умоў для работы крыптаплатформ і звароту крыптовалют, выкарыстання штучнага інтэлекту і блокчэйн-тэхналогій для развіцця лічбавай эканомікі», — дадаў ён.

Уладзімір Андрэйчанка нагадаў пра ініцыятыву Прэзідэнта Беларусі аб фарміраванні «пояса лічбавага добрасуседства» — заключэнні пагадненняў аб забеспячэнні міжнароднай інфармацыйнай бяспекі, якія базіруюцца на прынцыпах лічбавага суверэнітэту і нейтралітэту, а таксама неўмяшання краін у інфармацыйныя рэсурсы адзін аднаго.

Уладзімір Андрэйчанка заклікаў усе парламенты падтрымаць гэтую і іншыя мірныя ініцыятывы.

Даведка. Міжпарламенцкая Асамблея АСЕАН створана ў 1977 годзе. Яе генеральныя асамблеі праводзяцца штогод і ўключаюць шырокае кола палітычных, эканамічных і сацыяльных пытанняў.

Марыя ДАДАЛКА

Выбар рэдакцыі

Грамадства

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

Жыццёвы шлях Якава Крэйзера. Першы камдзiў, якi атрымаў Зорку Героя, заслужыў яе, абараняючы Барысаў

У пачатковы перыяд Вялiкай Айчыннай вайны зацятыя баi разгарнулiся пры абароне Барысава — старадаўняга беларускага горада на Бярэзiне. 

Грамадства

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

Схадзіць на «Куфар» і застацца без грошай. На папулярным сайце можна сустрэць махляра, замаскіраванага пад пакупніка

«Лічбавыя жулікі», якія здымаюць грошы з чужых банкаўскіх карт, звычайна маскіруюцца пад інтэрнэт-рэсурсы, вартыя даверу.