Правіла 1. Пакідайце час для хатняй працы кожны дзень. Не варта адкладаць на потым дробныя справы ў надзеі зрабіць іх усе разам у адзін з выхадных дзён.
Правіла 2. Плануйце. Напярэдадні складзіце спіс спраў па гаспадарцы. Старайцеся прытрымлівацца плана. А зрабіўшы ўсё запланаванае, з гордасцю пахваліце сябе за арганізаванасць і паслядоўнасць.
Правіла 3. Не бярыцеся за ўсё і адразу. Грандыёзныя справы лепш выконваць часткамі. Адэкватна разлічвайце сілы і час. Калі патрэбна маштабнае навядзенне парадку ў пэўным месцы і вам складана вырашыцца на гэты крок, падзяліце прыборку на часткі па днях.
Правіла 4. Устанавіце абавязковы мінімум, пэўны рытуал. У кожным доме ёсць штодзённыя і паўтаральныя дзеянні, якія прыводзяць да беспарадку. Складзіце пералік такіх момантаў і ўвядзіце правіла змагацца ў першую чаргу з гэтымі дробязямі. Няхай ваш дзень пачынаецца і заканчваецца тымі паўтаральнымі дзеяннямі, якія дапамогуць вам падтрымліваць дом у парадку.
Правіла 5. Заўсёды класці рэчы на свае месцы. Прывучыце ўсіх членаў сям'і адразу ж складваць рэчы на свае месцы. Так вы значна скароціце час, неабходны на прыборку.
Правіла 6. Як і ў любой працы, у вядзенні хатняй гаспадаркі ў кожнай жанчыны ёсць нелюбімыя справы. Прытрымлівайцеся двух правілаў: драбіць на часткі і рабіць самае непрыемнае ў першую чаргу. Справіўшыся з такой справай, вы з лёгкасцю скончыце астатняе.
Правіла 7. Верце ў свае сілы, хваліце сябе. Вельмі часта адсутнасць веры ў сябе, у сваю здольнасць быць добрай хатняй гаспадыняй перашкаджае жанчыне ўзяцца за справу з пазітыўным настроем. Хваліце сябе за дасягненні, не засмучайцеся, калі не заўсёды ўдаецца справіцца з запланаваным на дзень. Заўтра будзе новы дзень!
