Вы тут

У Вялікім тэатры пакажуць «Сівую легенду»


Вялікі тэатр Беларусі далучаецца да шматлікіх імпрэз, якія ладзяцца ў музеях, бібліятэках, кінатэатрах, галерэях краіны да 90-годдзя з дня нараджэння Уладзіміра Караткевіча. 1 снежня гледачы змогуць убачыць сапраўдны шэдэўр нацыянальнай оперы — «Сівую легенду» Дзмітрыя Смольскага.


Прэм'ера оперы «Сівая легенда» адбылася 9 верасня 2012 года і адкрыла юбілейны, 80-ы сезон Вялікага тэатра Беларусі. Прызнаны шэдэўр нацыянальнай оперы, 1-я рэдакцыя якога была пастаўлена тэатрам у 1978 годзе і стала падзеяй культурнага жыцця нашай краіны, да гэтага часу натхняе на новыя трактоўкі і чытанні. На сцэне паўстане Магілёў XVІІ стагоддзя. Як адзначаюць музычныя крытыкі, гэтая опера — адна з найлепшых і найбольш арыгінальных у Вялікім, а лібрэта да «Сівой легенды» напісаў сам Уладзімір Караткевіч, перапрацаваўшы для сцэны аднайменную аповесць. XVІІ стагоддзе — час непрыступных замкаў, магнацкіх паляванняў, ганарыстых нобіляў, крывавых боек... І ўсё ж такі гэта гісторыя пра каханне, якое вышэй за ўсё і аб якім складаюцца легенды... У першы дзень зімы яна загучыць на сцэне Вялікага тэатра ў выкананні артыстаў Аксаны Волкавай, Ніны Шарубінай, Сяргея Франкоўскага, Уладзіміра Громава. За дырыжорскім пультам будзе Алег Лясун.

У тэатры адзначаюць, што «вельмі важна, каб у гэты няпросты час гучала мова Караткевіча — яркая, незабыўная, гучалі яго вершы, яго радкі, яго цытаты, якія дораць надзею, якія становяцца глебай, што не дае ўпасці, паветрам, што не дае апусціць крылы...» І прапануюць кожнаму згадаць творчасць беларускага класіка. Для гэтага варта прачытаць верш ці радкі з любімага твора пісьменніка, зрабіць на аснове гэтага невялічкае відэа і выкласці яго ў сваіх сацыяльных сетках з абавязковымі хэштэгамі #Караткевіч, #чытаемразам, #маямова. Самых актыўных і крэатыўных удзельнікаў узнагародзяць запрашальнымі квіткамі на вечар 1 снежня, у які адбудзецца паказ оперы «Сівая легенда».

Алена ДРАПКО

Фота з архіва Вялікага тэатра Беларусі

Загаловак у газеце: У краіну замкаў на крылах кахання...

Выбар рэдакцыі

Грамадства

Уладзімір Каранік: «На ШВЛ вакцынаваных няма»

Уладзімір Каранік: «На ШВЛ вакцынаваных няма»

Медыкі і губернатар Гродзенскай вобласці адказалі на пытанні па прышчэпках

Грамадства

Як партызаны за адну ноч знішчылі нямецкі гарнізон

Як партызаны за адну ноч знішчылі нямецкі гарнізон

22 чэрвеня 1943 года партызаны атрада «Бальшавік» здзейснілі нападзенне на фашысцкі гарнізон у былым саўгасе «Косіна».

Эканоміка

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Хто выбраў год таму айчынную валюту, аказаўся ў выйгрышы. Куды ўкласці грошы зараз, каб атрымаць выгаду

Знаёмства маладых людзей з першымі грашыма адбываецца дзіўным чынам.